Дарожна-транспартнае здарэнне адбылося ў суботу каля 21.00 на аўтадарозе Нялюбы — Доры — Слабада — Яршэвічы.
Як распавёў начальнік штаба Валожынскага РАУС Аляксей Ярашэвіч, за рулём аўтамабіля «Хонда Акорд» знаходзілася жыхарка Мінска, 1981 года нараджэння, яна не мела правоў.
«Аўтамабіль рухаўся ў кірунку Дораў. Кіроўца няправільна выбрала хуткасць руху, у выніку чаго машына з'ехала ў кювет і некалькі разоў перакулілася», — адзначыў Аляксей Ярашэвіч.
Ён таксама дадаў, што жанчына-кіроўца загінула на месцы.Яе непаўнагадовы сын, 2007 нараджэння, які знаходзіўся ў салоне, з закрытай чэрапна-мазгавой траўмай цяжкай ступені, цяжкім ударам мозгу і закрытым пераломам правага сцягна са зрушэннем дастаўлены ў рэанімацыйнае аддзяленне Валожынскай раённай бальніцы.
0
0
0
0
0
0
