Нацыянальны аператар сувязі «Белтэлекам» пашырыў прапускную здольнасць інтэрнэт-шлюза Беларусі да знешніх інфармацыйных рэсурсаў сеткі інтэрнэт на 40 Гбіт/c.
Як паведамілі ў «Белтэлекаме», на сёння агульная ёмістасць шлюза доступу да знешніх рэсурсаў інтэрнэту складае 390 Гбіт/c. У параўнанні з вераснем 2012 года аб’ём ёмістасці шлюза павялічыўся на 40%.
«Кампанія «Белтэлекам» прымае своечасовыя рашэнні ў сувязі з ростам абаненцкай базы спажыўцоў інтэрнэт-паслуг, якая пастаянна павялічваецца, і забяспечвае якасны доступ да знешніх інфармацыйных рэсурсаў», — гаворыцца ў паведамленні.
Пра апошняе пашырэнне кампанія «Белтэлекам» паведамляла ў лютым 2013 года.
0
0
0
0
0
0