Пяцікласнік атрымаў апёкі 70 % цела з-за няправільнага абыходжання з газавай плітой.
Выпадак адбыўся днём 12 снежня ў Краснаполлі Магілёўскай вобласці.
Падчас гатавання ежы на газавай пліце кіпень з рондаля заліў канфорку. 13-гадовы сын гаспадыні дома узяў запалку, каб зноў уключыць пліту. Адбылася ўспышка газу і на хлопчыку загарэлася адзенне. Тушыць дзіця кінулася маці, яна таксама атрымала апёкі.
Хлопчык атрымаў апёкі 70% цела і быў шпіталізаваны ў апёкавае аддзяленне ў цяжкім стане.
Яшчэ чацвёра дзяцей самастойна выйшлі з дому і не пацярпелі.
Пасля здарэння ў доме ўзнік пажар. Работнікі МНС, якія прыбылі на месца здарэння, яго патушылі, аднак агонь знішчыў частку пабудовы і пашкодзіў маёмасць.
0
0
0
0
0
0
