Спартсменкай года Беларусі паводле версіі газеты «Спортивная панорама» стала тэнісістка Вікторыя Азаранка. У апытанні прынялі ўдзел 102 журналісты розных СМІ. Штогадовы конкурс праводзіўся ўжо ў 55-ы раз.
У выніку найлепшую суму другі год запар набрала тэнісістка Вікторыя Азаранка.
Біятланістку Дар'ю Домрачаву часцей за іншых — 33 разы — ставілі на другое месца.
Найлепшым спартсменам года ў Беларусі прызнаны капітан беларускай зборнай па гандболе і адзін з лідараў іспанскай «Барселоны» Сяргей Рутэнка, які ў дзясятцы размясціўся на трэцяй пазіцыі.
Іншыя ўдзельнікі дзясяткі:
4. Меліціна Станюта (мастацкая гімнастыка)
5. Міхаіл Грабоўскі (хакей)
6. Васіль Кірыенка (веласпорт)
7. Уладзімір Самсонаў (настольны тэніс)
8. Цімафей Калачоў (футбол)
9. Дзіна Сазанавец (цяжкая атлетыка)
10. Максім Мірны (тэніс)
У намінацыі «найлепшая негульнявая каманда» безумоўную перамогу ў апытанні атрымала зборная па мастацкай гімнастыцы ў групавых практыкаваннях.
Сярод гульнявых каманд таксама па-за канкурэнцыяй была мужчынская зборная па гандболе.