Прылады былі выяўленыя яшчэ 11 студзеня 2014 года. Знайшоў іх гаспадар кватэры, які здаваў жыллё двум студэнтам Мінскага дзяржаўнага архітэктурна-будаўнічага каледжа, што месціцца на вуліцы Змітрака Бядулі.
Раніцай у суботу, калі студэнты раз'ехаліся па хатах у рэгіёны, гаспадар прыйшоў у кватэру і са здзіўленнем выявіў там гатовыя да ўжывання сем самаробных выбуховых прылад. Уладальнік кватэры патэлефанаваў у міліцыю і паведаміў аб сваёй знаходцы. На месца здарэння была накіравана група размініравання СПБТ «Алмаз», а таксама аператыўнікі Галоўнага ўпраўлення па барацьбе з арганізаванай злачыннасцю і карупцыяй МУС.
Пры аглядзе выбуховых прылад было ўстаноўлена, што яны гатовыя да ўжывання. Згодна з заключэннем экспертаў, прылады ўяўлялі сабой паветраныя шары, напоўненыя петардамі заводской вытворчасці, цукрам для ўзмацнення сілы выбуху, а таксама паражальнымі элементамі. У чатырох прыладах у якасці паражаючых элементаў знаходзіўся гарох, а ў трох — металічныя балты.
«Выбухоўка» такая, вядома, не моцная. Але сам намер студэнтаў выяўны. У сувязі з гэтым аператыўнікамі тут жа былі затрыманыя студэнты, якія вырабілі СВП. Аднаму з іх толькі споўнілася 18 гадоў, а другому нядаўна стукнула 20.
Як патлумачыў хлопец, яны зусім не хацелі падрываць падрыхтаваныя прылады ў месцах збору людзей і тым больш не мелі намер здзяйсняць тэракт. Па іх словах, і металічнымі балтамі яны начынілі прылады толькі для таго, каб паглядзець, як яны будуць паражаць дрэвы ў лесе.
Цяпер па справе праводзяцца дадатковыя праверачныя мерапрыемствы.
