Белы дом заклікае Расею ўстрымацца ад «правакацыйных дзеянняў» на фоне асцярогі ваеннай інтэрвенцыі, піша The Guardian.
У чацвер ЗША папярэдзілі Расею аб тым, што ваенныя вучэнні на мяжы з Украінай могуць стаць памылкай.
Дзяржсакратар ЗША Джон Кэры паведаміў, што размаўляў з міністрам замежных спраў Расіі Сяргеем Лаўровым, які запэўніў яго ў тым, што Масква будзе «паважаць тэрытарыяльную цэласнасць Украіны».
«Мы лічым, што на дадзены момант неабходна зрабіць крок назад і пазбегнуць якіх-небудзь правакацый», - заявіў Кэры.
Раней Белы дом заклікалі Маскву «пазбягаць правакацыйных дзеянняў» і паведаміў, што будзе ўважліва сачыць за ваеннымі вучэннямі Расеі.
«Мы рашуча падтрымліваем тэрытарыяльную цэласнасць і суверэнітэт Украіны, - заявіў прэс-сакратар Белага дома Джэй Кэрні. - Мы чакаем, што іншыя краіны зробяць тое ж самае, і таму ўважліва сочым за ваеннымі вучэннямі Расеі на ўкраінскай мяжы. Мы заклікаем іх не рабіць якіх-небудзь крокаў, якія могуць быць няправільна вытлумачаны або прывесці да памылкі ў такі складаны час».
Раней міністр абароны ЗША Чак Хейгел заклікаў Расію праявяць асцярогу ў «час вялікай напружанасці».
«Мы чакаем, што іншыя народы будуць паважаць суверэнітэт Украіны і пазбягаць правакацыйных дзеянняў», - заявіў Хейгел на прэс-канферэнцыі ў Бруселі.
