Трохбаковыя кансультацыі Расія-Украіна-ЕС па газе, якія адбыліся напярэдадні ў Кіеве, завяршыліся безвынікова, перадаюць інфармацыйныя агенцтвы.
Калі пройдзе новы раўнд перамоваў пакуль невядома. Напярэдадні еўракамісар па энергетыцы Гюнтэр Этынгер прапанаваў у чарговы раз абмеркаваць газавую праблему 15 чэрвеня. Дакладны час пачатку кансультацый названы не быў. На думку еўракамісара, шанцы дасягнуць дамоўленасці на трохбаковых перамовах застаюцца.
Раней расейскі бок прапаноўваў Украіне зніжку ў $ 100 пры аплаце за газ, новая цана магла скласці $ 382 за тыс. куб.м. Украінскі бок адмовіўся ад гэтай зніжкі.
Кіеў настойвае на зніжэнні кошту да $ 268,5 за тыс. куб.м, а таксама патрабуе канфіскацыі з кантракту нормы «бяры або плаці» і адмены забароны на рээкспарт газу.
«Газпром» чакае, што 16 чэрвеня (да 10.00 па Маскве) украінскі бок пералічыць $ 1,9 млрд. Калі гэтага не адбудзецца, у дачыненні да паставак газу ва Украіну будзе ўведзены рэжым перадаплаты.
Між тым, як паведамлялася, прэм'ер-міністр Украіны Арсень Яцанюк даручыў профільным міністэрствам і НАК «Нафтагаз Украіны» рыхтавацца да адключэння расійскага газу з 16 чэрвеня.
Адначасова кіраўніцтву «Нафтагазу» і міністру юстыцыі Украіны даручана завяршыць працэдуру падрыхтоўкі да абароны інтарэсаў Украіны ў адносінах паміж НАК «Нафтагаз Украіны» і ААТ «Газпрам» у Стакгольмскім арбітражным судзе.
X
