Супрацоўнікі МНС выратавалі жанчыну, якая ўпала ў 12-метровы калодзеж на тэрыторыі прыватнага домаўладання ў гарадскім пасёлку Рось Ваўкавыскага раёна Гродзенскай вобласці.
Як паведамляе прэс-служба МНС, жанчына 1965 года нараджэння ўпала ў калодзеж, спрабуючы дастаць вядро з вадой. Ратавальнікаў выклікала яе маці.
Ратавальнікі-пажарныя дасталі пацярпелую з выкарыстаннем альпінісцкага рыштунку і штатыва-трыногі з механічнай лябёдкай. Жанчына з дыягназам «агульнае пераахаладжэнне арганізму» шпіталізаваная.
0
0
0
0
0
0