Пра гэта прэзідэнт Украіны напісаў у сваім твітары.
«Толькі што прыбыў у Мінск на сустрэчу ў фармаце «ЕС — Украина — «Еўразійская тройка», — напісаў ён.
фота БелТА
У нацыянальным аэрапорце Мінск яго сустракалі пасол Украіны ў Беларусі Міхаіл Ежаль і віцэ-прэм'ер Беларусі Міхаіл Русы, паведамляе БелаПАН.
У 11.30 павінен прызямліцца самалёт з вярхоўным прадстаўніком ЕС па замежных справах і палітыцы бяспекі Кэтрын Эштан і еўракамісарам па гандлі Карэлам дэ Гюхтам. Плануецца, што з аэрапорта яны адправяцца ў пасольства Украіны ў Мінску, дзе адбудуцца двухбаковыя перамовы Эштан з Парашэнка.
Затым у Пятра Парашэнкі запланавана двухбаковая сустрэча з Аляксандрам Лукашэнкам, паведаміў БелаПАН Міхаіл Ежаль.
Пытанне аб сустрэчы Парашэнкі з прэзідэнтам РФ Уладзімірам Пуціным, які прыляціць у Мінск прыкладна ў 13.20, пакуль канчаткова не вырашана.