Бацькі 26-гадовага амерыканца Пітэра Касіга, захопленага ў палон баевікамі «Ісламскай дзяржавы», раcкрылі змест ліст, які сын напісаў ім яшчэ ў чэрвені.
Малады чалавек, які прыняў іслам і новае імя — Абдул-Рахман Касіг, піша, што яму страшна паміраць, бо ён не ведае, ці ёсць у яго нейкая надзея.
Пры гэтым палонны заклікае бацькоў суцешыцца думкай, што ён прыехаў у Сірыю для «палягчэння пакут».
Пітэр Касіг удзельнічаў у гуманітарнай місіі па аказанні экстраннай медыцынскай дапамогі параненым ў Сірыі, паведаміла Бі-Бі-Сі. Ён быў выкрадзены летась, калі ехаў на машыне хуткай дапамогі.
У апошнім відэазапісе, выкладзеным ісламістамі ў пятніцу ўвечары, Касіга пагражаюць абезгаловіць наступным пасля брытанца Алана Хенінга.
0
0
0
0
0
0
