Танк «Азовец» стварыла каманда з 6 чалавек пад кіраўніцтвам былога галоўнага інжынера і галоўнага канструктара Харкаўскага танкавага завода Міколы Сцяпанава.
У сваім фэйсбуку міністр унутраных спраў Украіны Арсен Авакаў паведаміў, што створаны першы прататып танка, патрабаванні да якога былі сфармаваныя досьведам баёў супраць расійскіх баевікоў у 2014 годзе.
Машына, якую робяць на базе танка Т-64, павінна атрымаць вельмі высокую ступень абароны — два слаі браніравання дна, блокі дынамічнай абароны «Нож», унутранае браніраванне рубкі з карбіду алюмінія, а таксама ўласна танкавую браню корпуса Т-64.
Танк цалкам пазбаўлены звычайных аптычных прыладаў — назіранне за полем бою плануецца весці толькі праз спецыяльна браніраваныя відэакамеры, інфармацыя з якіх выводзіцца на дысплеі ўнутры машыны.
Машына можа перавозіць 2 беспілотныя лятальныя апараты таксама з камерамі назірання.
Агнявая моц «Азоўца» складаецца з 3 мартыраў, якія выстрэльваюць супрацьпяхотныя гранаты, 2 хуткастрэльныя гарматы ВШ-23, кіраваныя супрацьтанкавыя ракеты.
Фінансаванне праекта вядзецца за кошт валанцёраў і ахвяраванняў прыватных асоб.