Копіі фільмаў «Мярзотная васьмёрка» Квенціна Таранціна і «Выжылы» Алехандра Ін'ярыту апынуліся ў Сетку за некалькі дзён да іх выхаду ў абмежаваны пракат.
Па дадзеных TorrentFreak, нелегальная копія «Мярзотнай васьмёркі» была cпампаваная не менш за 220 тысяч разоў, а «Выжылы» з Леанарда Дзі Капрыа — каля 300 тысяч разоў.
Абодва фільмы, адзначае TorrentFreak, патрапілі ў Сетку ў копіях высокай якасці і без якіх-небудзь адмысловых знакаў і пазнак, якімі звычайна суправаджаюць кінастужкі, што распаўсюджваюцца да прэм'еры.
Афіцыйныя прэм'еры «Мярзотнай васьмёркі» і «Выжылага» прызначаныя на 25 снежня, а ў шырокі пракат абодва гэтыя фільмы павінны выйсці ў пачатку студзеня.
0
0
0
0
0
0