Спявачка Юлія Чычэрына павіншавала расійскіх вайскоўцаў на базе Хмеймім у Сірыі з Новым годам, перадаюць расійскія інфармагенцтвы.
«Я прыехала падтрымаць воінаў. Я хацела вельмі сюды прыехаць. Сірыя — цудоўнае месца, цікавае, практычна калыска цывілізацыі», — сказала яна.
Па словах спявачкі, яна хоча пажадаць расійскім вайскоўцам, якія знаходзяцца ў Сірыі, «каб бераглі сябе і вярталіся цэлымі і здаровымі з перамогамі».
Чычэрынай спадабалася на базе: «Тут крута, чысценька, мне падабаецца, добра».
Спявачка прыехала ў Латакію з Луганска.
«Новы год, а яны на чужыне, я таму і рванула. З Луганска адразу ж у Сірыю», — адзначыла яна.
Чычэрына выканала некалькі сваіх песень, акампануючы сабе на ўкулеле, акрамя яе з групы ў Сірыі быў толькі гітарыст.
Расійскія СМІ не даюць фатаграфій з выступу Чычэрынай у Латакіі, імаверна, з меркаванняў бяспекі.