Паводле ацэнак урада, з-за засухі наўпрост ці ўскосна пакутуюць каля 330 мільёнаў індыйцаў.
У пачатку мая ў Індыю прыйшла хваля высокіх тэмператур — у шэрагу раёнаў слупок тэрмометра падняўся вышэй за 40 градусаў паводле Цэльсія.
Згодна з праектам міністэрства, ваду для засушлівых раёнаў могуць узяць з найбуйнейшых рэк — Брахмапутры і Ганга, а таксама з гімалайскіх леднікоў.
Эколагі выступаюць катэгарычна супраць рэалізацыі гэтага праекта, папярэджваючы пра магчымую экалагічную катастрофу. Па словах абаронцаў навакольнага асяроддзя, не было праведзена ніводнага даследавання адносна будучыні рэк, з якіх ўрад плануе адвесці ваду.
Эканамісты кажуць пра высокія выдаткі на перасяленне жыхароў з раёнаў, дзе будзе весціся будаўніцтва. Аднак Вярхоўны суд Індыі падтрымаў ініцыятыву ўладаў.
«Насельніцтва падтрымлівае праект і з радасцю гатова перасяліцца», — заявіла Бі-бі-сі міністр водных рэсурсаў.
