ААН афіцыйна прызнала Латвію, Літву і Эстонію часткай Паўночнай Еўропы, выключыўшы з спісу краін субрэгіёна «Усходняя Еўропа».
Пра гэта са спасылкай на адпаведнае рашэнне паведаміў дэпутат Еўрапарламента Арціс Пабрыкс у twitter.
«ААН афіцыйна мяняе статус дзяржаў Балтыі з Усходняй Еўропы на Паўночную Еўропу. Вось да чаго мы належым», — напісаў ён.
Да Паўночнай Еўропы належаць таксама краіны Скандынавіі, Вялікабрытанія ды Ірландыя.
Да Усходняй Еўропы цяпер адносяць Беларусь, Украіну, Расію, Польшчу, Чэхію, Славаччыну, Малдову, Румынію, Балгарыю, Вугоршчыну.
0
0
0
0
0
0