17 снежня 1903 г. упершыню быў здзейснены палёт самалёта.
Той самы Флаер, фота рабіла жонка аднаго з Райтаў.
Першым самалётам, які змог самастойна адарвацца ад зямлі і здзейсніць кіраваны (пілатаваны) гарызантальны палёт, стаў «Флаер‑1», пабудаваны братамі Орвілам і Уілбурам Райтамі ў ЗША.
Гэта адбылося 17 снежня 1903 г. Выпрабаванні ладзіліся ў Кілл Дэвілс Хілс (штат Паўночная Караліна).
«Флаер» пратрымаўся ў паветры 59 секундаў і праляцеў 260 метраў.
Машына Райтаў была афіцыйна прызнана першым у свеце апаратам цяжэйшым за паветра, што здзейсніў пілатаваны палёт з выкарыстаннем рухавіка.
Першая авіякампанія з’явілася праз шэсць гадоў, у 1909 г., гэта была DELAG (Deutsche Luftschiffahrts-Aktiengesellschaft — Нямецкае акцыянернае таварыства па паветраным караблеплаванні). Яна выкарыстоўвала дырыжаблі фірмы Zeppelin.
З авіякампаній, што дажылі да нашага часу,
найстарэйшай, што выконвае сёння рэгулярныя авіярэйсы, лічыцца KLM – Галандскія каралеўскія авіялініі, створаная 7 кастрычніка 1919 г.
Іх першым самалётам быў De Havilland DH‑16, што лётаў маршрутам Амстэрдам — Лондан.
Першы палёт быў здзейснены Джэры Шоу 17 траўня 1920 г. з двума пасажырамі‑журналістамі на борце. Паколькі кабіна была адкрытай, журналістам выдалі швэдры ды пальчаткі. Пра шнапс гісторыя маўчыць.
А да Лондана дабраліся меней чым за тры гадзіны.