Пра гэта паведамілі ў пасольстве Францыі.
«Францыя выканала забавязанні дзяржавы, якая прымае на сваёй тэрыторыі міжнародныя арганізацыі», — падкрэслілі ў пасольстве.
Пры гэтым у дыппрадстаўніцтве адзначылі, што гэта не шэнгенская віза, а «віза тэрытарыяльна абмежаванага дзеяння», якая дае права толькі на наведванне Францыі. Яна выдадзена на тэрмін афіцыйнай паездкі.
Акрамя таго, паведамілі ў пасольстве,
гэта не двухбаковы візіт: падчас паездкі не прадугледжваецца ніякіх кантактаў беларускага міністра з прадстаўнікамі Францыі.
Дэлегацыя Міністэрства ўнутраных спраў Беларусі на чале з Анатолем Куляшовым будзе знаходзіцца з афіцыйным візітам у Генеральным сакратарыяце Інтэрпола (Ліён) з 17 па 20 студзеня.
Асноўнай мэтай мерапрыемства з’яўляецца ўдзел у перамовах па праекце Пагаднення паміж Рэспублікай Беларусь і Міжнароднай арганізацыяй крымінальнай паліцыі — Інтэрпол аб прызнанні пашпарта МАКП — Інтэрпол, паведамляе
Куляшоў знаходзіцца ў спісе беларускіх чыноўнікаў, якім забаронены ўезд у ЕС. Доўгі час ягоныя абавязкі выконваў першы намеснік міністра. Хадзілі чуткі, што Куляшоў цяжка хворы.
