Большасцю галасоў Грэцыя ўхваліла крэдытнае пагадненне з Еўрасаюзам, паводле якога Афінам будзе прадастаўлена фінансавая дапамога памерам 130 млрд даляраў і спісанне грэцкіх даўгоў прыватнымі крэдыторамі шляхам спецыяльнай бюджэтнай праграмы.
Праграма прадугледжвае захады жорсткай эканоміі, у тым ліку скарачэнне заробкаў і пенсій. Будуць скарочаныя 15 тыс. працоўных месцаў у дзяржсектары,што дасць штогадовую эканомію памерам 325 млн еўра і пры гэтым зніжэнне мінімальнага заробку з цяперашніх 751 да 600 еўра ў месяц.
У абмен на гэта ЕС абяцае Афінам другі пакет фінансавай дапамогі памерам 130 млрд еўра, а міжнародныя банкі — спісанне часткі грэцкага доўгу.
У Грэцыі не сціхаюць пратэсты супраць гэтых планаў урада. У многіх гарадах Грэцыі ў нядзелю адбыліся шматтысячныя дэманстрацыі.
Прынамсі 7 будынкаў у грэцкай сталіцы былі падпаленыя ў вынікі беспарадкаў.
Паліцыя ўжыла слезацечны газ супраць удзельнікаў шматтысячнай акцыі пратэсту, якая праходзіла на працягу дня каля грэцкага парламента. У паліцэйскіх ляцелі бутэлькі з запальнай сумессю.
Паводле ацэнак паліцыі, у пратэстах у Афінах узялі ўдзел каля 100 тысяч чалавек.
У суботнім тэлезвароце прэм’
Адмова ад іх, па яго словах, практычна непазбежна прывяла б да дэфолту, за якім можа паследаваць выхад Грэцыі з зоны еўра. Гэта, у сваю чаргу, выкліча гіперінфляцыю, абясцэньванне укладаў, нявыплаты заробкаў у дзяржсектары і рэзкае падаражэнне імпартуемага паліва, тэхнікі і лекаў, заявіў Пападымас.
«Грэцыя — у адным кроку ад прорвы. Сацыяльныя выдаткі урадавай праграмы непараўнальныя з эканамічнай і сацыяльнай катастрофай, якая адбудзецца, калі план не будзе прыняты», — сказаў ён.
Колькасць беспрацоўных у Грэцыі ў лютым пераваліла за мільён, перш за ўсё, у сувязі з масавымі скарачэннямі бюджэтнікаў, і склала каля 20% эканамічна актыўнага насельніцтва. Лідарам па гэтым паказчыку ў Еўропе пакуль застаецца Іспанія, дзе зафіксаваная беспрацоўе на ўзроўні 22,9%.