Як паведаміў сайт ex-press.by, пракурор Цінцявіцкі папрасіў для Аляксандра Малчанава 1,5 года калоніі страгага рэжыму, а для Арцёма Ігнацікава — 1,5 года ўмоўна.
Працэс над Малчанавым і Ігнацікавым пачаўся 2 красавіка. Іх вінавацяць у крадзяжы 400 кг металалому з тэрыторыі кавальскага завода цяжкіх штамповак у Жодзіне.
Аляксандр быў асуджаны па справе 19 снежня на 3 гады калоніі. Вызвалены ў верасні загадам Лукашэнкі. Прашэнне аб памілаванні не падпісаў. Пасля вызвалення ён нейкі час правёў у ІЧУ Барыса — яго падазравалі ў абразе дзяржаўнага сцяга: 26 кастрычніка 2010 года ў цэнтры Барысава былі залітыя фарбай. Крымінальную справу спачатку спынілі праз адсутнасць доказаў, а затым зноў аднавілі. На свабодзе ён не мог уладкавацца на працу — яго не хацелі нікуды браць.
8 красавіка працэс пачнецца а 10.00 у судзе г. Жодзіна (вул. Брэсцкая, 5а) з апошняга слова Малчанава. А затым суддзя Грынкевіч вынясе прысуд.
