«Наш чалавек у Мінску працуе над гэтым. Спрабуе дамовіцца. Нейкія крокі наперад ужо ёсць, але канчаткова дамовіцца пакуль не ўдалося», — расказаў Андрэй Рэрых,
Ён кажа, што вынікі перамоваў з мінскімі ўладамі стануць вядомыя ў канцы красавіка.
Учора каардынатар кампаніі Віктар Логінаў і агенцтва «Інтэрфакс» паведамілі, што у маі па сталіцы Беларусі будзе ездзіць аўтобус з выявай Сталіна.
«Фінальным акордам і радаснай для ўсіх нас навіной стала далучэнне да акцыігорада-героя Мінска, сталіцы Беларусі», — паведаміў В.Логінаў.
Такія аўтобусы курсуюць па некалькіх расійскіх гарадах. Сёлета ж сталіністы маюць намер пусціць такія аўтобусы ў 40 гарадах Расіі, Беларусі, Украіны і Еўрасаюза. Кіраўніцтва шэрагу еўрапейскіх дзяржаваў заявіла, што не дапусціць у сябе такога глумлення над памяццю ахвяр сталінізму.
* * *
Звароты ў Мінгарвыканкам на гэтую тэму можна падаць тут, праз бланк электроннага звароту.