Помнік лыжцы паставяць у Беразіне 3

Пра гэта паведаміла кіраўнік народнага клуба майстроў Бярэзінскага РДК Ганна Ждановіч.

Яго адкрыццё прымеркавалі да свята-конкурсу «Бярэзiнскiя лыжкары», які пройдзе 11 жніўня.

Вышыня помніка разам з пастаментам — 3,5 метра. Над вырабам самай вялікай лыжкі Беларусі працавалі 3 майстры. Выраб, упрыгожаны ўзорамі, плануецца размясціць на ўездзе ў горад.

«Мы разлічваем, што з’яўленне такой скульптурнай кампазіцыі будзе садзейнічаць умацаванню турыстычнага брэнда Бярэзінскага раёна»,

— адзначыла Ганна Ждановіч, дадаўшы, што ў будучым бярэзінскія лыжкары маюць намер замахнуцца на сусветны рэкорд.

Свята-конкурс драўлянай лыжкі «Бярэзiнскiя лыжкары» праводзіцца ўжо другі раз. Упершыню майстры Мінскай вобласці сабраліся разам у 2010 годзе, тады ж у Беразіне ў рамках праграмы «Традыцыйная культура і дзеці» з’явіўся пакой-музей драўлянай лыжкі.

БелТА

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ