Выніковая дэкларацыя саміту Руху Недалучэння, які завяршыўся ў Тэгеране, была прынятая праз дзень пасля таго, як Міжнароднае агенцтва па атамнай энергетыцы звінаваціла Іран у блакаванні доступу міжнародных інспектараў да ядзернага аб’екта ў горадзе Парчын, дзе, як падазраецца, Тэгеран можа ажыццяўляць распрацоўку ядзерных боегаловак.
Заходнія краіны лічаць, што багаты нафтай і прыродным газам Іран не мае патрэбы ў атамных электрастанцыях, а яго ядзерная праграма выкарыстоўваецца для распрацоўкі ўзбраенняў. Тэгеран гэтыя закіды адхіляе.
Рух Недалучэння аб’ядноўвае 118 краін развіцця ў Афрыцы, Азіі, Лацінскай Амерыцы і адну еўрапейскую краіну — Беларусь.Сёлета запрашэнне на саміт Руху Недалучэння атрымаў Аляксандр Лукашэнка, але ў выніку афіцыйны Мінск у Тэгеране прадстаўляў міністр замежных спраў Уладзімір Макей.
0
0
0
0
0
0
