У Паставах чатырохгадовая дзяўчынка ледзь не спаліла кватэру
28 кастрычніка ў 12:10 у МНС паступіла паведамленне пра пажар у двухпакаёвай кватэры на пятым паверсе цаглянага жылога дома ў Паставах.
У кватэры жыве 28-гадовая жанчына з чатырохгадовай дачкой. Гаспадыня паспела самастойна патушыць пажар вядром вады да прыезду ратавальнікаў. Дзяўчынку давялося змясціць у Пастаўскую цэнтральную бальніцу з атручваннем прадуктамі гарэння.
Як паведамляе прэс-служба МНС, прычынай пажару стала дзіцячае свавольства з агнём — дзіця падпаліла запальнічкай пасцельныя прыналежнасці. У выніку пажару пашкоджаны ложак, закураныя сцены і маёмасць у пакоі.
