Досыць!
мой тэлевізар апошнім часам
працуе ў рэжыме радыё
я не магу вытрымліваць
столькі чырвонага колеру
я не магу вытрымліваць
столькі зялёнага колеру
мой тэлевізар працуе
ў рэжыме бязгучнага радыё
ДОСЫЦЬ! ідзеалогіі
ДОСЫЦЬ! аб’едзіненія
ДОСЫЦЬ! прасьпект пабядзіцелей
нашыя тэлефоны
маюць чужыя вушы
будзь у сабе — палохае
шоргат аўдыёстужкі
пры размове дваіх
заўсёды ёсьць нехта трэці
і трэба не забывацца
яму шторазу нагадваць
ДОСЫЦЬ! хлусьні і рабства
ДОСЫЦЬ! ідзеалогіі
ДОСЫЦЬ! танкаў на вуліцах
ДОСЫЦЬ! аб’едзіненія
ДОСЫЦЬ! камбайнаў і сеялак
ДОСЫЦЬ! прасьпект пабядзіцелей
ДОСЫЦЬ! ДОСЫЦЬ! ДОСЫЦЬ!
9.05.2005
0
0
0
0
0
0
