Наперадзе можа быць толькі свабода
Імпрэсіі з інтэрнэт-форумаў-2005
Лесьвіцы нават у неба ламаюцца
Ленаны зь Ленінамі змагаюцца
Беларусі Вялікае Княства
«Паганства» рымуецца з «хрысьціянства»
Мосар гарэлкі ня п’е для турыстаў
Шыза калі ў кожным бачыш гэбіста
Эўра падае рубль стабільны
Хто ня выключыў у клясе мабільны
Мілінкевіч Пазьняк Гайдукевіч
Калякін Лябедзька Бандарэнка Шушкевіч
Грыб Севярынец Казулін Статкевіч
Вячорка Кароль Грыб Міхалевіч
Нісьцюк Карняенка Карніенка Салаш
Яшчэ хто там быў у ноўтбуку што Балаш
Вёз праз мяжу глядзіце ў этэры
На кожным канале ружовае эры
Вожык у чырвона-зялёным тумане
Шукае навобмацак Вострую браму
З кнігаю Быкава і верай пад пахай
Ты ж вожык калючы ня трэба страху
Наперадзе можа быць толькі свабода
Гадо дачакаліся апатыі годзе
Выбары прыйдуць і Ярмошына скажа
Ды што б ні сказала выйграюць нашы
Апалачы, ЗША
