Рада па развіцці прадпрымальніцтва сабрала тузоў беларускага бізнэсу — поўны спіс 1
Чыж, Шакуцін, Машэнскі, Мартынаў...
Да вядомых бізнэсоўцаў-цяжкавагавікаў (Юры Чыж, Аляксандр Шакуцін, Мікалай Мартынаў) у абноўленай радзе дадаліся прадстаўнікі новай бізнэс-хвалі — Яўген Баскін, Аляксандр Машэнскі, Валянцін Байко, Андрэй Паўлоўскі і іншыя.
Усяго ў новай Радзе па развіцці прадпрымальніцтва ў Беларусі, якую ўзначаліў памочнік Аляксандра Лукашэнкі па эканоміцы, экс-кіраўнік Нацбанка Пятро Пракаповіч, 23 чалавекі.
Буйны бізнэс прадстаўляюць Юрый Чыж («Трайпл»), Аляксандр Шакуцін («Амкадор»), Аляксандр Машэнскі («Санта Імпэкс Брэст»), Яўген Баскін («Сервалюкс»), Валянцін Байко («Контэ Спа»), Мікалай Мартынаў («Марка») і Андрэй Паўлоўскі («Біякам»).
Знайшлося месца ў Радзе і прадстаўніку замежнага бізнэсу.
Яго ўвасабляе ў якасці намесніка старшыні Рады генеральны дырэктар «Хенкель Баўтэхнік» Сяргей Навіцкі.
Інтарэсы транспартнікаў прадстаўляе старшыня БАМАП Мікалай Баравы.
Ад менш узроўневых бізнэс-аб’яднанняў у прэзідэнцкую раду ўвайшлі Аляксандр Калінін (Беларускі саюз прадпрымальнікаў), Віктар Маргелаў (Рэспубліканская канфедэрацыя прадпрымальніцтва), Анатоль Харлап (БелАПП) і Аляксандр Швец (Беларуская навукова-прамысловая асацыяцыя).
З тых, хто ўваходзіў у ранейшы склад рады, у яе зноў абраны Яўген Барысаў («Хорда-гідраўліка»). Таксама ў яго ўключаны Мікалай Сілінаў («Альянспласт»), Віталь Костагораў («Палітэкс»), Віктар Лемяшэўскі («Белінвестторг»), Тамара Міжэвіч («Белтрансінфа»), Васіль Астроўскі («Остком-Адзігітрыя») і Сяргей Ускоў («Аўгуст»),
У абноўленай радзе на загад кіраўніка дзяржавы будуць працаваць Cергей Пісарык («Беларусбанк») і Сяргей Чайкун (БДУ).