Далейшае ўзмацненне маразоў абяцаюць сіноптыкі. У панядзелак у Мінску да мінус 13, у Віцебску — да мінус 15. Прычым гэта з вятрыскам, які будзе зніжаць камфортнасць як да мінус 20.
Наступныя дні будзе яшчэ халаднейшымі. У Мінску ў аўторак і сераду да мінус 16 уначы, мінус 14 удзень.
А пад наступныя выхадныя тэмпературы апусцяцца да мінус 21—26 ва ўсёй краіне. Балазе, завірухі суцішацца.
Ад серады маразы накрыюць таксама захад краіны: Брэст і Гродна, дзе пакуль трымаюцца мяккія тэмпературы.
Варта падрыхтаваць транспарт, быць гатовымі да таго, што машыны могуць не заводзіцца, а грамадскі транспарт будзе перапоўнены. На дарогах будзе ўзнікаць галалёд. Дзецям варта добра патлумачыць правілы разумных паводзінаў на марозе.
Будуць і радасці: ад аўторка момантамі пачне праглядаць сонца.
А вось на каталіцкае Божае Нараджэнне сіноптыкі чакаюць паўнавартай адлігі з плюсавымі тэмпературамі і ўсімі радасцямі грыпу, якія такія адлігі суправаджаюць.
