Урад Беларусі накіраваў у Адміністрацыю прэзідэнта новую рэдакцыю правілаў прыёму ў ВНУ, якая прадугледжвае адмену большасці льгот для абітурыентаў.Пра гэта паведаміў міністр адукацыі Сяргей Маскевіч 21 снежня на
Плануецца захаваць толькі льготу па залічэнні без уступных выпрабаванняў абітурыентаў, які заваявалі прызавыя месцы на міжнародных і рэспубліканскіх алімпіядах, іншых спаборніцтвах. Пазаконкурснае залічэнне таксама захаваецца для шэрагу катэгорый абітурыентаў пры паступленні ў ВНУ першага патоку МУС, МНС, Мінабароны, Дзяржпагранкамітэта і ў Беларускі дзяржаўны ўніверсітэт фізічнай культуры.Прапануецца, у прыватнасці, адмяніць раздзельны конкурс для выпускнікоў сельскіх і гарадскіх устаноў адукацыі і большасць іншых ільгот пры паступленні ў ВНУ.
Плануецца ўвесці норму, згодна з якой на завочную форму навучання ў ВНУ змогуць паступаць толькі ўладкаваныя на працу грамадзяне.
Для абітурыентаў педагагічных спецыяльнасцяў на ўмовах мэтавай падрыхтоўкі прапануецца ўвесці патрабаванне аб неабходнасці рэкамендацый педагагічных саветаў устаноў адукацыі.
балы за кожны этап уступнага выпрабавання па прадмеце «Творчасць» будуць складвацца з балам, атрыманым пры складанні балаў за цэнтралізаванае тэставанне і сярэдняй ацэнкі дакумента аб адукацыі.Для абітурыентаў спецыяльнасцяў культуры і мастацтва ВНУ плануецца ўвесці адзіную методыку падліку балаў пры залічэнні:
Беларусам, якія пастаянна жывуць за мяжой, а таксама грамадзянам Расіі, Казахстана, Кыргызстана і Таджыкістана прапануецца дазволіць паступаць у беларускія ВНУ на ўмовах, прадугледжаных для іншаземцаў, — паводле вынікаў сумоўя.
Для абароны інтарэсаў абітурыентаў, якія паступаюць ва ўстановы адукацыі па конкурсе, прапануецца кватаваць колькасць месцаў для абітурыентаў, што залічваюцца паводле вынікаў выніковай атэстацыі пасля заканчэння факультэтаў давэнэўскай падрыхтоўкі,падрыхтоўчых аддзяленняў, падрыхтоўчых курсаў або паводле вынікаў сумоўя. Квоту штогод будзе ўстанаўліваць навучальная ўстанова.
З 30 да 60% ад кантрольных лічбаў плануецца павялічыць прыём на ўмовах мэтавай падрыхтоўкі на сельскагаспадарчыя спецыяльнасці.Пералік спецыяльнасцяў, па якіх вядзецца мэтавая падрыхтоўка, плануецца дапоўніць спецыяльнасцямі землеўладкавання і зямельнага кадастру.
Прапануецца спрасціць працэдуру паступлення ў ССНУ на аснове агульнай базавай адукацыі: праводзіць яго паводле конкурсу сярэдняга бала пасведчанняў аб агульнай базавай адукацыі.
