Кранальная гісторыя адбылася ў сямействе львоў, якія жывуць у нацыянальным парку Мікумі ў Танзаніі. Дзікія звяры павялі сябе ў адносінах да суродзіча лепш, чым часам паводзяць сябе некаторыя людзі.
Прайд тры гады выходжваў свайго сабрата, закутага ў металічны «нашыйнік».
Параненага льва турысты ўпершыню заўважылі яшчэ ў 2009 годзе:
шыю жывёлы сціскала пятля з жалезных прутоў, у якой малады леў апынуўся яшчэ дзіцём, трапіўшы ў пастку браканьераў.— Паляўнічыя расстаўляюць пасткі на дробных жывёл — такіх як антылопа імпала. Хутчэй за ўсё, цікаўнае львяня засунула туды галаву і вырвалася на волю ўжо разам з драцяной пятлёй на шыі, — распавёў старшы наглядчык запаведніка Уільям Мвакілема.
З часам юны цар звяроў стаў сапраўдным закладнікам сваіх кайданоў.
З кожным годам дрот ўсё глыбей упіваўся ў шыю льва, асуджаючы яго на доўгую і пакутлівую смерць ад удушша.— Пасля першага ж сігналу аб тым, што наш гадаванец трапіў у бяду, мы рабілі спробы адсачыць і вызваліць яго. Але тэрыторыя нашага запаведніка занадта вялікая, а нораў у гэтых жывёл вельмі асцярожны, — распавядае Мвакілема. — Так што леў выжыў толькі дзякуючы клопатам сваіх суродзічаў.
Па словах супрацоўнікаў запаведніка, усіх іх ўразілі паводзіны дзікіх звяроў. Браты і сёстры параненай жывёлы падтрымлівалі яго сілы, прыносячы яму ежу з палявання.
— Яны не забілі яго, як звычайна паступаюць са слабымі самцамі. Наадварот, львы не давалі яму загінуць ўвесь гэты час, пакуль людзі не маглі дапамагчы, —дадаў наглядчык.
Сумеснымі намаганнямі рэйнджары і турысты змаглі высачыць паміраючага льва толькі ў жніўні гэтага года. На месца адразу ж выклікалі ветэрынараў, якія на час усыпілі пакутніка, каб яму дапамагчы. — Гэта была вельмі небяспечная працэдура.
Пяць субратаў нашага пацыента абаранялі свайго сваяка, так што нам прыйшлося адганяць іх на джыпах.У выніку нам удалося зняць дубцы з яго шыі. Пашкоджанні былі настолькі глыбокімі, што, калі б не ўмяшаліся мы, хутка было б ужо позна, — паведаміў Уільям Мвакілема.
Апрацаваўшы раны, людзі пакінулі льва здаравець ў крузе яго адданай сям’і. Праз некалькі месяцаў пасля выратавальнай аперацыі нядаўняга палоннага браканьерскай пятлі зноў заўважылі на прасторах запаведніка.
Па словах наглядчыкаў,
леў ужо амаль цалкам акрыяў, на яго шыі і галаве нарэшце пачала расці грыва, а пра страшныя раны цяпер нагадваюць толькі глыбокія шнары.
