Адкрыццё рэгулярных зносінаў авіякампаніі «Белавія» па маршруце Мінск — Барселона — Мінск адбылося ў нацыянальным аэрапорце Мінск 26 снежня.
Як паведамілі ў прэс-службе «Белавія», сталіца Каталоніі стала 41-м па ліку пунктам прызначэння ў маршрутнай сетцы авіякампаніі. Аэрапорт прызначэння — найбуйнейшы аэрапорт Каталоніі Эль-Прат.
Палёты ў Барселону будуць ажыццяўляцца ў зімовы сезон пераважна на самалётах Embraer-175, якія папоўнілі паветраны флот «Белавія» восенню гэтага года. Частата выканання рэйсаў — два разы на тыдзень, па серадах і суботах. Працягласць палёту складзе 3 гадзіны 45 хвілін.
БелаПАН
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
