У новым допісе ў блогу на БелТА рэдактар часопіса Адміністрацыі прэзідэнта «Беларуская думка» Вадзім Гігін заклікае Расію ўмяшацца на Балканах.Сярод усяго ён называе беларусаў «рускімі», а ўкраінцаў — «маларосамі».
«Так павялося з часоў Дастаеўскага, што рускі чалавек (хай гэта будзе вялікарос, беларус або
Гігін адзначае, што сербы выбіраюць Еўрасаюз «шляхам вялікай здрады» — адмовы ад Косава, а Расія не прапануе ў альтэрнатыву. Аўтар прапануе Расіі не прызнаваць юрысдыкцыі «Трыбунала па былой Югаславіі».
У ХІХ ст. Расія актыўна ўмешвалася ў балканскую палітыку, бо імкнулася ўрэшце «вызваліць» Канстантынопаль і тым самым адкрыць сабе выхад да Блізкага Усходу. Сёння стратэгічнае значэнне Балканаў зменшылася, бо Турцыя перастала ўяўляць сабой «дзяржаву на разбор», хворага чалавека Еўропы. Умяшанне Расіі ў Сербіі, як яго разумее Гігін, — а ён, здаецца, мае на ўвазе перадзел межаў — амаль непазбежна прывяло б да аднаўлення вайны між сербамі, албанцамі, баснійцамі ды іншымі народамі, якую ўдалося спыніць пасля ўмяшання НАТО ў канцы 1990-х. Ад часу калі Косава здабыло незалежнасць, «гарачы» канфлікт на Балканах спыніўся.
Цікавае і атаесамленне беларусаў з праваслаўнымі — прытым што Гігін сам па бацьку Францавіч. На думку гісторыка Алега Латышонка, менавіта беларуская нацыянальная ідэя яднае праваслаўных і каталікоў нашых зямель у адзіную нацыю. У адваротным выпадку нашай супольнасці пагражаў бы бясконцы канфлікт і распад «заходнікаў» і «ўсходнікаў».
Рэдактару ж Гігіну, здаецца, у Беларусі не бачыцца праблем (калі не лічыць апазіцыі, з якой ён усё ваюе), затое яму свярбіць веліч Расіі.
«Расія, Пуцін! Апамятайся, калі ласка! Вярніцеся на Балканы. Без Вялікай Сербіі не будзе Вялікай Расіі», — занепакоены Гігін.
