У Маладзечанскім раёне падчас пажару загінуў пяцігадовы хлопчык 1

У вёсцы Хоўхлава Маладзечанскага раёна пры пажары загінуў пяцігадовы хлопчык.

Як паведамілі ў Мінскім абласным упраўленні МНС, паведамленне пра пажар у прыватным жылым доме паступіла ў 12 гадзін 22 студзеня ад суседзяў. Жыллё знаходзіцца на балансе адкрытага акцыянернага таварыства «Хохлава». Будынак гарэў адкрытым полымем. Ратавальнікі, які прыбылі да месца выкліку, ліквідавалі пажар. Пасля гэтага ў доме было знойдзена загінулае дзіця 2007 года нараджэння.

Як высветлілася, 22-гадовая маці хлопчыка, рабочая ААТ «Хоўхлава», была на працы, з

а дзіцем павінен быў наглядаць яе 25-гадовы сужыцель. Але мужчына, паклаўшы дзіця спаць, выйшаў у магазін. Адсутнічаў прыкладна гадзіну.

Жанчына прывезла сына ад бабулі з суседняй вёскі Селеўцы, дзе ён хадзіў у дзіцячы сад, за паўтары тыдні да трагедыі, бо хлопчык захварэў.

Ратавальнікі-пажарныя расцэньваюць кожны выпадак пакідання дзіцяці без нагляду як надзвычайнае здарэнне.

Прававую ацэнку дзеянням дарослых, якія пакінулі без нагляду малалетняе дзіця, дасць следства.

Вячаслаў Будкевіч, БелаПАН

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ