Пра 112 моўных памылак.
Журналіст і блогер Глеб Лабадзенка выпусціў незвычайную кнігу — «Дзіцячая заМова» складаецца са 112 маляваных прыкладаў моўных памылак. Кніга цалкам намалявана — у ёй няма ніводнай друкаванай літары.
Малюнкі, якія тлумачаць розніцу паміж «стулам» і «крэслам», «сабе» і «сябе» стылізаваныя пад дзіцячыя. Кніга мае кардонную вокладку і надрукавана на грубай паперы — выглядае як добры сувенір для тых, хто пачынае вучыць беларускую мову.
Пасляслоўе да кнігі напісаў Рыгор Барадулін.
Каментары