Depeсhe Mode назвалі дату выхаду новага альбома: пасля беларускага Дня Волі 2

13-ы студыйны альбом брытанскага гурту Depeche Mode будзе звацца «Delta Machine» і паступіць у продаж 26 сакавіка. Паведамленне пра гэта ў чацвер, 24 студзеня, з’явілася на сайце калектыву.

Выпускае новую кружэлку Depeche Mode гуказапісвальная кампанія Columbia Records; прадзюсарамі выступілі Бэн Хіліер і Марк Эліс, вядомы пад псеўданімам Flood. Альбом быў запісаны на працягу 2012 года ў Санта-Барбары і Нью-Ёрку.

У стандартнае выданне альбома ўвойдзе 13 песень, а ў дэлюкс-версію — на чатыры кампазіцыі больш.

Таксама да калекцыйнага выдання будзе прыкладацца 28-старонкавы буклет з працамі фатографа Антона Корбайна, які не раз супрацоўнічаў з гуртом.

Трэкліст стандартнага выдання новага альбома выглядае наступным чынам:

«Welcome To My World»
«Angel»
«Heaven»
«Secret To The End»
«My Little Universe»
«Slow»
«Broken»
«The Child Inside»
«Soft Touch / Raw Nerve»
«Should Be Higher»
«Alone»
«Soothe My Soul»
«Goodbye»

Пасля выпуску новага альбома Depech Mode адправяцца ў гастрольны тур па Еўропе. 29 ліпеня яны дадуць канцэрт на «Мінск-Арэне».

lenta.ru

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ