Паблiзу вёскi Ходараўка Горацкага раёна мiлiцыя спрабавала спынiць КамАЗ, якi рухаўся ў бок беларуска‑расiйскай мяжы. Аднак вадзiцель вырашыў не заўважаць патрабаванняў i толькi павялiчыў хуткасць.
Мабiльная група Горацкага РУУС пачала праследаванне парушальнiка: папераджальныя стрэлы не зрабiлi належнага ўражання, таму мiлiцыянеры сталi страляць па колах. Быў зроблены 21 стрэл, але грузавiк працягваў рухацца лiтаральна на дысках. Машыне ўдалося ўсё ж такi перасекчы мяжу, i знайшлi яе на расiйскiм баку ў Красненскiм раёне Смаленскай вобласцi. Вадзiцель збег. А ў КамАЗе знайшлi кантрабандны груз — 15 тон лому чорнага металу.