Ніна Мацяш. Пакутніца Надрукавана ў рубрыцы «Год паэзіі» ў № 27'2007 2

З цыклу «Людзі майго жыцьця»

Нэрвы не пад скураю — паўзьверх…
Выбухаеш ад любога дотыку.
Нават спачувальны рух насустрач
азываецца ў табе нясьцерпам.

У 2007 г., годзе 125‑годзьдзя Купалы і Коласа, «НН» штонумар друкуе творы беларускіх паэтаў. У ранейшых нумарах пабачылі сьвет творы Генадзя Бураўкіна, Андруся Храпавіцкага, Юрася Пацюпы, Міхала Анемпадыстава, Сяргея Прылуцкага, Сяргея Сыса, Алеся Макрацова ды іншых аўтараў. Чакаем Вашых твораў.

Шчырая, —
цяпер ты за прытворства!

Добрая, —
цяпер за чэрствасьць ты!

Ашуканая ў найлепшых марах, —
мучысься і мучыш падазрэньнем.

Бачысься сама сабе ахвярай, —
а пакутуюць усе навокал.

Поўная спагаднае любові, —
паўстаеш ужо й супроць яе!..

Што ж гэта, жыцьцё, ты робіш з намі?..

Што з жыцьцём сваім мы робім самі?..

0

0

0

0

0

0