Сёння на Мінскай кніжнай выставе: Арлоў, Балахонаў, Качаткова Рэкамендуем!

На працягу пяці дзён на стэндах кнігарні «ЛогвінаЎ» і выдавецтва «Галіяфы» падчас Мінскага міжнароднага выставы-кірмашу можна будзе набыць творы сучаснай літаратуры (проза, паэзія, мастацкія альбомы, літаратура для дзетак), а таксама ўбачыць і пачуць беларускіх аўтараў. 7–10 лютага, вул. Купалы 27, стэнд А-18 (у самым канцы выстаўнай залы, леваруч). З 10 да 19 штодня (у нядзелю да 15-й).

9 лютага (субота)

На стэндзе выдавецтва «Логвінаў»:

14:00 Уладзімір Арлоў паставіць свой аўтограф на кнізе ілюстраванай гісторыі «Краіна Беларусь. Вялікае Княства Літоўскае», а таксама на паэтычным зборніку «Śvieciacca vokny, dy nikoha za jimi» і перавыданні празаічнай кнігі «Ордэн Белай Мышы».

16:00 Сяргей Балахонаў прадставіць кнігу прозы аб паралельнай гісторыі Беларусі «Зямля пад крыламі Фенікса» (кніга з лонг-ліста Прэміі Гедройца).

На стэндзе пасольства Польшчы:

14:00 Выдатная раманістка Алена Брава з кнігай «Рай даўно перанаселены» (кніга з лонг-ліста Прэміі Гедройца).

14:30 Культавы ультраправы пісьменнік Юры Станкевіч з кнігай «Шал» (кніга з лонг-ліста Прэміі Гедройца).

16:00 На стэндзе амбасады Польшчы Паліна Качаткова прэзентуе кнігу «Матылі» (кніга з лонг-ліста Прэміі Гедройца).

0

0

0

0

0

0