У Петрыкаве падтоплены талымі водамі прыватныя падворкі

У Петрыкаве па стане на 10 лютага зафіксаваныя падтапленні талымі водамі чатырох прыватных падворкаў.

Як паведамілі ў прэс-службе Гомельскага абласнога ўпраўлення МНС, пакуль эвакуацыя жыхароў з падтопленых домаўладанняў не патрабуецца, службы ратавання вядуць маніторынг становішча.

Дапамогу жыхарам падтопленых дамоў аказвалі камунальныя службы і ратавальнікі. Аварыйная брыгада работнікаў камунальнай службы была задзейнічана на адпампоўванні вады з домаўладанняў і падворкаў у Петрыкаве. Усе падворкі размешчаны ў нізінных месцах.

БелаПАН

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ