Матч чэмпіянату паўпрафесійнай заакіянскай хакейнай лігі Усходняга ўзбярэжжа (ECHL) паміж клубамі «Бэкерсфілд Кондарс» і «Лас-Вегас Ранглерз» ледзь не быў сарваныз-за талісмана гаспадароў — жывога кондара.
Падчас выканання амерыканскага гімна гіганцкая птушка зляцела з пляча дрэсіроўшчыка і вырашыла прагуляцца па лёдзе. Той кінуўся ў пагоню і дагнаў свайго гадаванца ля ног спявачкі, але паслізнуўся і выпусціў кондара з рук.
Зноў атрымаўшы свабоду, птушка пад рогат гледачоў рашуча накіравалася на лаўку запасных і, расштурхаўшы перапалоханых гульцоў «Кондарс», раптам напала на іх галоўнага трэнера.
Ажыццявіўшы свой злачынны план, талісман у падтрыбунным памяшканні здаўся дрэсіроўшчыку.
0
0
0
0
0
0