«Санта-Барбара» ў вёсцы Валодзькава: калі Юлія Бука набыла восем хатаў пад Глыбокім, нават не ўяўляла, што з гэтага выйдзе... 57

Вы думаеце, жыццё на вёсцы сумнае і аднастайнае? А дзе там! Пражыўшы два дні ў вёсцы Валодзькава ў аграсядзібе Юліі Букі, мы пераканаліся ў адваротным.

І няхай у яе няма інтэрнэту — частыя госці замяняюць навіновыя сайты. За 2012 год у Юлі было больш за тысячу наведвальнікаў. А замест «холівараў» ў сацсетках — спрэчкі з мясцовымі жыхарамі, чыё некалі размерана-супакойнае жыццё хоцькі-няхоцькі скалыхнулі «кліенты гэтай бэнээфаўкі»…

Сумаваць Юлі няма калі: дзень распісаны амаль па хвілінах. Агледзецца па гаспадарцы, зварыць ежу, падрыхтаваць хату для гасцей. Нядаўна ў адной з хатаў аграсядзібы пасяліліся пяць незвычайных пастаялак, старых бабулек — Клёня (гэта значыць, Клеапатра), Уршуля, Сафія ды дзве Марыі. Штодня яна гатуе ім ежу і прыносіць ў кошыку.

Карацей, суцэльная «санта-барбара». А галоўная гераіня — Юля Бука. Моцная. Шчырая. «Свая». Адна, без мужа, гадуе двух непаўналетніх дзяцей і трымае восем вясковых хатаў. Зрэшты, лепей адзін раз пабачыць.

Даведка НН:

Кошт пражывання ў аграсядзібе «Родны кут» — 40 тысяч рублёў за суткі з чалавека (без харчавання). Беларускамоўным — зніжка 20%. Для групаў таксама прадугледжаны зніжкі.

Адрас сядзібы: Віцебская вобласць, Глыбоцкі раён, в. Валодзькава.

Тэлефон: (8 029) 715-46-21 (Юлія Бука)

Аксана Рудовіч, Таццяна Гаўрыльчык

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ