Андрэй Забабура перад пачаткам суда 11 лютага.
Сёння, 15 лютага, у судзе Фрунзенскага раёна Мінска быў вынесены прысуд кіроўцу «Поршэ Каена», які вечарам 13 лістапада 2012 года каля школы № 23 па вуліцы Панчанкі ў Мінску збіў на смерць9-гадовага вучня3-га класа гэтай школы Уладзіслава Грудзьева.
Забубара таксама мусіць аплаціць усе выдаткі пацярпелага боку за юрыдычную дапамогу.
Адвакат Ігар Папкоўскі заявіў, што прысуд вельмі жорсткі і ён будзе яго абскарджваць.
І. Папкоўскі мяркуе, што вінаваты ў выпадку і загінулы хлопчык У. Грудзьеў, які парушыў правілы дарожнага руху, выскачыўшы з-за машын. Але адвакат не папракае яго за гэта. Пацярпеў адзін хлопчык, сказаў ён, — а з сённяшнім прысудам пацярпелі трое дзяцей, маючы на ўвазе дзяцей асуджанага А. Забабуры.
Адвакат пацярпелага боку Ксенія Кобаса сказала, што пакуль не размаўляла са сваімі падабароннымі, каб пацікавіцца, ці задаволеныя яны прысудам. Раней і родныя хлопчыка, і іх адвакат прапанавалі суду самому вызначыць пакаранне.
Суддзя Блізнюк таксама вынесла пастанову для адміністрацыі школы №23 цягам месяца правесці прафілактычную работу са школьнікамі наконт правілаў дарожнага руху.
***
Нагадаем, што працэс над А. Забабурам пачаўся ў панядзелак, 11 лютага.
Пракурор Ірына Лапцэвіч падчас спрэчак бакоў 13 лютага нагадала суду, што Андрэй Забабура сваю віну не прызнаў. Яна прасіла пакараць абвінавачанага пазбаўленнем волі на 4 гады
Пацярпелыя (мама, дзядуля і бабуля загінулага хлопчыка) выступаць у судзе адмовіліся, перадаўшы права выказаць іх пазіцыю адвакату Ксеніі Кобасе. Адвакат адзначыла, што разгляд справы насамрэч суправаджала шмат эмоцый. Яна таксама акцэнтавала ўвагу на відавочнасці віны абвінавачанага.
«Знак аб забароне руху там быў, абвінавачаны пагаджаўся з тым, што бачыў яго», — сказала адвакат. Яна прасіла суд пры вынясенні выраку не прымаць да ўвагі экспертызу, праведзеную адвакатам абвінавачанага.
«Пасля гэтага выпадку большасць жанчын, якія выпраўляюць сваіх дзяцей у школы, не ўпэўненыя, што ўбачаць іх зноў», — заўважыла адвакат, але папрасіла суд пры вынясенні рашэння кіравацца законам. Форму пакарання пацярпелыя пакінулі на выбар суда.
«З маральнага пункту гледжання я вінаваты, таму што стаў удзельнікам трагедыі, — сказаў А. Забабура ў сваім апошнім слове. — Я перажываю здарэнне як асабістую трагедыю, прызнаю маральную віну і гатовы яе загладзіць».
Забабура заявіў, што не бачыў хлопчыка, як і той — яго. Звяртаючыся да маці загінулага Алены, вадзіцель «Паршэ Каена» паабяцаў ёй дапамагаць пры любым рашэнні суда.
Адвакат абвінавачанага Ігар Папкоўскі лічыць, што ў судзе здабытыя доказы апраўдання яго падабароннага. Выступаючы ў спрэчках, адвакат звярнуў увагу, што яго падабаронны «страшна перажываў наступствы ДТЗ, не мог працаваць, жыць, звяртаўся да псіхолага». «Ён не адкупіўся грашамі, перадаўшы сваякам пэўную суму, — гэта было адзіна магчымым крокам пасля трагедыі, каб змякчыць сваю віну», — растлумачыў адвакат.
Паводле яго слоў, трагедыя стала магчымай у тым лікуАдвакат абураны тым, што ў школе ёсць два адміністратары, абавязаныя сачыць за парадкам, але ў момант правядзення бацькоўскага сходу ніводнага з іх не было на вуліцы, дзе без догляду гулялі дзеці, і дзе знаходзілася мноства аўтамабіляў, на якіх у школу прыехалі бацькі. «Яны што, сачылі, каб бацькі паперкі не кідалі і не білі шыбы?» — задаўся пытаннем адвакат.з-за неабуладкаванасці тэрыторыі каля СШ № 23,з-за таго, што яна не была агароджана, не было створана нармальных умоў для школьнікаў і іх бацькоў.
Ён лічыць, што суд павінен падрыхтаваць прадстаўленне ў органы адукацыі на прадмет арганізацыі кантролю за дзецьмі ў такой сітуацыі. «Здарэнне — збег акалічнасцей. Няма ні віны дзіяцяці, яго немагчыма вінаваціць, ні вадзіцеля, які не парушаў правілы дарожнага руху», — сказаў адвакат.
