Культура11

Прадстаўніцтва ААН абвясціла фотаконкурс да Міжнароднага дня роднай мовы

Прадстаўніцтва ААН у Беларусі аб’яўляе фотаконкурс «Беларуская мова — адлюстраванне нашых думак і пачуццяў», прымеркаваны да Міжнароднага дня роднай мовы (21 лютага).

Умовы ўдзелу

Прымаюцца фатаграфіі, зробленыя як прафесійнымі фатографамі, так і аматарамі.

Дасланыя на конкурс работы павінны адлюстроўваць тэму беларускай мовы як інструмента захавання і развіцця культурнай спадчыны ў яе матэрыяльных і нематэрыяльных формах ў кантэксце моўнай і культурнай разнастайнасці і шматмоўя.

Да ўдзелу ў конкурсе не дапускаюцца фотаздымкі, якія:

— Прапагандуюць расавую дыскрымінацыю, гвалт, парушэнне правоў чалавека, ўжыванне наркотыкаў, тытуню ці алкагольных напояў.

— Парушаюць дзейнае заканадаўства Рэспублікі Беларусь.

Прадстаўніцтва ААН у Беларусі не нясе адказнасці за дасланыя аўтарамі працы, аднак удзельнікі конкурсу, абвінавачаныя ў плагіяце, або якія не валодаюць аўтарскімі правамі на фота, будуць дыскваліфікаваныя, а іх вынікі ўдзелу ў конкурсе — ануляваныя.

Парадак правядзення

Конкурс праводзіцца ад 21 лютага да 6 сакавіка 2013 года ў два этапы.

I этап (дасылка фатаграфій) — 21 лютага — 1 сакавіка 2013 года.

а)

Фота дасылаюцца на электронную пошту: mova@undp.bу

б) 1 сакавіка ўсе дасланыя працы размяшчаюцца на старонцы Прадстаўнiцтва ААН у Фэйсбуку, папка «Дзень роднай мовы».

II этап (інтэрнэт-галасаванне і падсумаванне вынікаў) — 1–6 сакавіка 2013 года.

а) Праводзіцца адкрытае інтэрнэт-галасаванне і адбор найлепшых прац.

Пяць найлепшых фотаздымкаў конкурсу вызначаюцца па колькасці тых, хто прагаласаваў за іх на старонцы Прадстаўніцтва ААН у Фэйсбуку.

Тэхнічныя патрабаванні

Аўтары маюць права прадставіць не больш за 5 работ. Памер: не больш за 1000 pxls па большым баку, распазнаванне 72 dpi.

Фотаздымак павінен мець назву або кароткае апісанне, а таксама імя і кантакты аўтара.

Узнагароджанне пераможцаў

Пераможцы конкурсу ўзнагароджваюцца дыпломамі і падарункамі Прадстаўніцтва ААН у Беларусі, найлепшыя здымкі будуць размешчаны на сайце Прадстаўніцтва ААН.

* * *

Міжнародны дзень роднай мовы быў абвешчаны Генеральнай канферэнцыяй ЮНЕСКА ў лістападзе 1999 года і адзначаецца кожны год з лютага 2000 года дзеля спрыяння моўнай і культурнай разнастайнасці і шматмоўю.

Гэтая дата была абраная ў знак памяці пра падзеі 21 лютага 1952 г., калі ў Дацы, сталіцы Бангладэш, ад куль паліцыянтаў загінулі студэнты — удзельнікі дэманстрацыі ў абарону сваёй роднай бенгальскай мовы, якую яны патрабавалі прызнаць адной з дзяржаўных моў краіны.

Каментары1

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Праз дзевяць месяцаў пасля вызвалення памёр палітвязень Валерый Богдан7

Праз дзевяць месяцаў пасля вызвалення памёр палітвязень Валерый Богдан

Усе навіны →
Усе навіны

Зяленскі прапанаваў правесці трохбаковую сустрэчу з Пуціным і Трампам

Шрайбман: Цяперашнія канфлікты ў апазіцыі ўжо мала каго цікавяць14

Работнікі МНС выратавалі на пажары сабаку і ката, а потым зрабілі ім штучнае дыханне

Валанцёр «Вясны» Чапюк расказаў, як яго затрымаў ГУБАЗіК адразу на выхадзе з калоніі і як дапытвалі пра Міколу Дзядка2

14-гадовая Віка адмовіла ў сэксе — і гэта стала прычынай панажоўшчыны, у якой загінулі чацвёра падлеткаў у Байкальску11

На бетонным заводзе ў Гомелі загінуў кіроўца цэментавоза

«Тыдзень у Бразіліі, дзе цябе абрабуюць, або два тыдні ў бяспечнай Беларусі». Па што замежнікі едуць у нашу краіну6

Украіна атакавала тэхнапарк і завод па вытворчасці беспілотнікаў у Падмаскоўі1

Беларусь пераносіць вучэнні «Захад-2025» з заходніх межаў углыб краіны18

больш чытаных навін
больш лайканых навін

Праз дзевяць месяцаў пасля вызвалення памёр палітвязень Валерый Богдан7

Праз дзевяць месяцаў пасля вызвалення памёр палітвязень Валерый Богдан

Галоўнае
Усе навіны →

Заўвага:

 

 

 

 

Закрыць Паведаміць