28 лютага ў Маскве пройдзе чарговае пасяджэнне Групы высокага ўзроўню Рады міністраў Саюзнай дзяржавы Беларусі і Расіі.
Як паведамляе прэс-служба беларускага МЗС, удзельнікі пасяджэння плануюць разгледзець пытанні падрыхтоўкі пасяджэння Вышэйшага дзяржсавета Саюзнай дзяржавы, фінансавання будаўніцтва Беларускай АЭС, балансы паліўна-энергетычных рэсурсаў Саюзнай дзяржавы на 2013 год і іншыя актуальныя пытанні двухбаковага супрацоўніцтва.
Беларускую дэлегацыю на перамовах узначаліць сустаршыня Групы высокага ўзроўню старшыня праўлення ААТ «Банк развіцця Рэспублікі Беларусь» Сяргей Румас, расійскую — першы віцэ-прэм’ер Ігар Шувалаў.
Нагадаем, 27 лютага ў Маскве праходзіць 15-е пасяджэнне Рады Еўразійскай эканамічнай камісіі (ЕЭК), у якім бярэ ўдзел беларуская дэлегацыя на чале з Румасам.
БелаПАН
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ