Навіны Каментары Гаспадарка Здарэнні Стыль Здароўе Тэхналогіі Гісторыя Культура Спорт Аўто Каханне і сэкс

Культура. Рознае

Мінск 60-х вачыма Зянона Пазняка

дадалося інтэрв'ю Зянона: «З альбома пра стары Менск цэнзура зрабіла кнігу пра Менск новы»

Рэдкія кадры з фотаальбома «Мінск» каментуе блогер Darriuss.

17:08, 01.03.2013
Абноўлена ў 00:14, 07.04.2013

Блогер Darriuss выклаў у інтэрнэт адсканаваныя фота з альбома «Мінск», які выйшаў у 1968 годзе ў выдавецтве «Беларусь».

Усе здымкі ў ім зрабіў малады фатограф Зянон Пазняк.

«Фота добра адлюстроўваюць атмасферу эпохі, калі яны з’явіліся — хрушчоўскай „адлігі“, —

расказвае НН Darriuss, які адабраў 20 найбольш цікавых фота. — Альбом выйшаў у 1968-м, але рыхтаваўся цэлы год, а здымкі былі зробленыя, хутчэй за ўсё, яшчэ раней, на працягу некалькіх гадоў у сярэдзіне 1960-х».

«Гэта яшчэ адліга — гэта новае кіно, новая літаратура, новае мастацтва ўвогуле, і

Зянон, як бадай што і любы іншы судэнт, тым больш у тэатральна-мастацкім інстытуце, не мог не паддацца гэтаму агульнаму настрою,

— кажа Darriuss. — Ён неразрыўна звязаны і з архітэктурай, рамантыкай пабудовы новага свету, новага горада. Да таго ж гэтыя здымкі пацвярджаюць, што Зянон — не проста ікона для адных і пудзіла для іншых, ён звычайны чалавек, якому ў маладосці было ўласціва захапляцца дзяўчынамі, і модай, вучыцца бачыць прыгажосць ва ўсім: і ў старых дамках Нямігі, і ў новых шматпавярховых раёнах на ўскраінах Мінска, а пасля ў меру сіл імкнуцца выказаць свае эмоцыі. Такі падыход мне вельмі блізкі, ён фенаменальна актуальны і цяпер, праз амаль 50 год пасля таго, як былі зробленыя гэтыя кадры.

***

Пазьняк: З альбому пра стары Менск цэнзура зрабіла кнігу пра Менск новы

У інтэрв'ю Радыё Свабода Зянон Пазняк расказаў пра сапраўдныя абставіны падрыхтоўкі альбома «Мінск».

Абламейка: Зянон Станіслававіч, якія мэты вы ставілі тады пры падрыхтоўцы альбому «Мінск»?

Пазьняк:

Я да гэтага альбому падыйшоў вельмі сур’ёзна, бо з 1964 году займаўся старым Менскам. І я паставіў задачу паказаць стары Менск — Нямігу, Верхні горад і тое, што засталося ад Ніжняга рынку.

Я ўсё гэта сфатаграфаваў, і ўсё гэта было здадзена ў выдавецтва «Беларусь». І тут пачалася вялікая вайна, было аж некалькі макетаў, таму што гэты альбом насілі ў ЦК КПБ, і яго там рэзалі. І было што амаль зусім ужо зарэзалі, але потым зноў вярнуліся. І вось тое, што там засталося ад Старога гораду, гэта тое, што ўдалося адваяваць. А фактычна задумка была такая: зрабіць гістарычны Менск.

Абламейка: Блогер пры рэпублікацыі здымкаў з вашага альбому заўважыў, што вас тады, відаць, цікавіла новая архітэктура...

Пазьняк: Што датычыць новай архітэктуры. Безумоўна, такія знакавыя будынкі, больш-менш стылёвыя, якія выяўлялі пэўную эпоху, стыль, я сфатаграфаваў, бо гэта было аблічча таго гораду, і цяпер яно ўжо гістарычнае. Так што думаю, што і ня дарам гэта было зьнятае. Але падыход мой быў такі: галоўнае — паказаць гістарычны Менск. Але гэта калі і ўдалося, то на адзін працэнт ці на паўпрацэнта. Таму што цэнзура была вельмі жорсткая.

Абламейка: Мы ў рэдакцыі зьвярнулі ўвагу на прыгожыя абліччы людзей на менскіх вуліцах, у прыватнасьці дзяўчат...

Пазьняк: Яшчэ тады, апрача старога Менску, мяне цікавілі людзі. Там праявіўся мой такі моладзевы рамантычны погляд на сьвет. Зрэшты, я з гэтым поглядам і цяпер жыву. Тут супярэчнасьці няма. На маю просьбу мне нядаўна зрабілі копіі здымкаў з таго альбома (самой кнігі я ня маю, усё засталося ў Менску) дык я гляджу, што той альбом цяпер пачаў набываць нейкую гістарычную вартасьць. А наконт дзяўчат, дык там яшчэ і не такія прыгожыя былі...Парэзалі ўсё.

Абламейка: А што цэнзуравалі ня толькі старую архітэктуру, але і выявы людзей?

Пазьняк:

Вядома. Наогул, цэнзура была беспрэцэдэнтная. Прымушалі адусюль прыбраць крыжы, напрыклад. У альбоме пра Браслаўшчыну быў здымак партала касьцёлу. Выставілі ўльтыматум: альбо гэтага здымку ня будзе, альбо зарэтушаваць крыж.

Давялося пагадзіцца зарэтушаваць крыж у разэтцы, каб застаўся сам архітэктурны партал. Так вось зьдзекаваліся. Выйсьця не было, трэба было ісьці на такія кампрамісы, каб хоць нешта ўратаваць.

Радыё Свабода

Юрась Ускоў

падпіска на каментары каментары праз RSS 43 каментары

паказаць менш каментароў » каментаваць

Вашкевіч Андрэй напiсаў(ла) 1 сакавiка 2013 у 13:46

Здымкі вееельмі добрыя. Такое ўражанне, што не Мінск, а Парыж, або як мінімум Вільня. У чалавека цэлае светабачанне. Дарэчы ёсць падобны альбом Гродна, падрыхтаваны (не фатаграфаваны) Карпюком. Ён на фоне астатніх альбомаў таксама моцна вылучаўся.

Kabouter Plop напiсаў(ла) 1 сакавiка 2013 у 13:56

Вось у каго трэба спадару Гудзіліну браць майстар-клас .

Максим Дизайнер напiсаў(ла) 1 сакавiка 2013 у 14:07

Б...ь, с...и!Развалить такой шикаргны центр, Немигу!Да три пешеходных улицы, такие как на Маркса можно было бы сделать, и в каждом здании - рекстик и кахино со шлюлю с блэкджеком! За фотки девок - зачет!

Чытач напiсаў(ла) 1 сакавiка 2013 у 14:13

У 2000-х ён у такім жа стылі здымаў Нью-Ёрк, Вільню і Варшаву (глядзіце кнігу "Дарога" на Камунікаце).

gogen напiсаў(ла) 1 сакавiка 2013 у 14:24

ого! очень круто для своего времени!

Арол напiсаў(ла) 1 сакавiка 2013 у 14:27

Горад змяняецца, прыгожыя бландзiнкi - застаюцца. Дзякуй Богу.

Валодзя напiсаў(ла) 1 сакавiка 2013 у 14:30

Мяркую, што такiя канцэптуальныя здымкi нават сёньня (праз 50 гадоў) не прайшлi б цэнзуру.

Егер напiсаў(ла) 1 сакавiка 2013 у 14:32

На дзiва ня дрэнные фатаграфii. ў аутара есць пэуны густ. Так цiкава адбiта  эстэтыка 60-х. Зараз тая эстэтыка цяжжка ўспрымаецца, але ж у той час гэта было нешта новае и нязвыклае, простае и легкае. Мабыць зараз так успрымаецца будынак калiйнай кампанi ў параўнаннi с бежавым сайдзiнгам, цi з монстрам над Траецкiм. Спадабалася, што сцiпленькiм малавыразным пабудовам, дапамагае абшар неба. А яшчэ сумна бачыць згубленную Нямiгу. Яна амаль як сучасныя завулкi ў Вiльнюсе, трэба б толькi дадаць новыя дахi, яркiх акрылавых фарбаў, прыгожых лiхтароў и трошкi мастацкай коўкi.

Danik напiсаў(ла) 1 сакавiка 2013 у 14:42

@Егер
Што значыць "на дзіва"?

fau2 напiсаў(ла) 1 сакавiка 2013 у 14:43

Карпюк i сам вылучауся сярод "партыйных" пiсьменнiкау. З Быкавым сябравау i абараняу яго ,калi той яшчэ жыу у Гродна.А пiсьменнiка ж цкавалi i тыя пiсьменнiкi-паэты, хто цяпер лiчыць сябе " сьвядомым i сапраудным патрыётам Беларусi"...... I нiколькi iм не сорамна.

Ларыса напiсаў(ла) 1 сакавiка 2013 у 15:07

Залатая Горка тады была вул. Радыстау.

Стася напiсаў(ла) 1 сакавiка 2013 у 15:22

Якое ў яго аднак вока на дзяўчат ;)
Ды й сам сэксі :)

Франак Нырка напiсаў(ла) 1 сакавiка 2013 у 15:45

Мне  не давялося такой Нямігі ўжо ўбачыць. Добра, што знаходзяцца людзі, якія  захавалі і могуць выкласьці для прагляду тваю малую радзіму.
У левым куточку агульнага здымку Нямігі павінна знаходзіцца вуліца Валадарскага з домам № 1., Былым роддомам.... І канешне з усім вядомай турмой праз дарогу.)

Альгерд напiсаў(ла) 1 сакавiка 2013 у 16:21

Спадар Зянон і ў дзяўчатах профі!
137156

Belarus American напiсаў(ла) 1 сакавiка 2013 у 17:42

1 сакавiка 2013 у 16:21
Спадар Зянон і ў дзяўчатах профі!
____________________________________________

I ne tolko v devchatakh....

Belarus American напiсаў(ла) 1 сакавiка 2013 у 17:46

Prekrasnoe bylo vremia - "SSSR, esche do perestroiki, zality solncem novostroiki..."

Бенедзікт напiсаў(ла) 1 сакавiка 2013 у 19:02

Гэтую Нямігу памятаю. Хадзіў па яе вулках. Машэраў яе зьнёс...

Zag-na-na-na-ne напiсаў(ла) 1 сакавiка 2013 у 19:47

Сапраўды, дзяўчынкі шыкоўныя!!!

Машэраў напiсаў(ла) 1 сакавiка 2013 у 20:10

Обычные фотографии советской эпохи, эпохи развития, оптимизма, радости.

Харэўскі напiсаў(ла) 1 сакавiка 2013 у 20:17

Далібог, часам насамрэч здаецца, што беларусы -- што склеротыкі: што ні раніца -- то навіны!) Між тым у "НН" колісь быў і гэты тэкст: http://talakoju.blogspot.com/2012/06/blog-post.html
А на "Свабодзе" і пра гэта было шматкроць...
Нарэшце, і нашы карэспандэнты даведаліся... Можна сёньня сьмела перадрукоўваць наноў усё, што друкавалася з тузін гадоў таму і даўней і ўсё будзе йзноў новым і сьвежым!) Для нашае публікі....))))

Partyzan напiсаў(ла) 1 сакавiка 2013 у 20:23

Цікава. Але некаторыя турысты не зразумеюць соль.

"Сапраўды, дзяўчынкі шыкоўныя!!!"  
Беларускі. Шчэ маскалёў не панаехала.

бязніка напiсаў(ла) 1 сакавiка 2013 у 20:40

перадрукоўваць наноў усё, што друкавалася з тузін гадоў таму і даўней і ўсё будзе йзноў новым і сьвежым!) Для нашае публікі....))))
.....
Добра, што публіка сьвежая, насамрэч:-) 
Але такі прыгожы Пазьняк, аказваецца.

Ліхтар напiсаў(ла) 1 сакавiка 2013 у 21:23

А ці захаваўся тут фотаархіў сп. Зянона, можна ўявіць, колькі тамака ўсяго цікавага.
Сонечная дзяўчына сярод шэрасці проста шэдэўральны кадр.

Алег напiсаў(ла) 1 сакавiка 2013 у 23:27

Гледзячы на Нямігу, страшна ўявіць, што б гэтыя маскоўскія лізуны-камуністы з Менску маглі б начаўпсці з Вільняй, каб іх калдыбажныя мазгі мелі б уплыў на гэты горад. На сёння практычна ўсе Беларускія гарады у якасці "абнаўлення" разбураны і ператвораны ў аграгарадкі са сквазнякамі.

hayduk напiсаў(ла) 1 сакавiка 2013 у 23:29

на маладога Зянона падобны Кеану Рыуз))

Natallja напiсаў(ла) 1 сакавiка 2013 у 23:33

Spadar Paznjak taki seksi junak!!!!! :))))

roh напiсаў(ла) 2 сакавiка 2013 у 0:25

spiawak Vincent i malady Pazniak - adzin twar

symona напiсаў(ла) 2 сакавiка 2013 у 18:57

Памятаю той  час і горад які ён  быў. Вельмі  савецкі з  шырачэзнымі вуліцамі  і  плошчамі. Старая  Няміга  выбівалася  з  гэтай  савецкасці  сваёй утульнасцю. Гэта  быў  лепшы  куток  горада.Я  пачынала  вучыцца у  інстытуце  калі  зносілі  Нямігу. Не ведала, што рабіць  проста  стаяла  і плакала.

вось... напiсаў(ла) 2 сакавiка 2013 у 22:32

А што тут усе, быццам згаварыўшыся, пачалі охаць ды ахаць наконт Нямігі і яе здымкаў? Такое ўражаньне, што нічаго іншага пра Нямігу ахаючыя ня бачылі... А Нямігу яшчэ ў 50-гадах, задоўга да машэраўскага патопу, здымаў вельмі апантаны гісторыяй чалавек Мікалай Іваноў, дзед стваральніка сайта пра Мінск стары і новы - Уладзіміра Валожынскага. І гэта - сапраўдная энцыклапедыя гісторыі Мінска і ягоных прывабных куткоў! Паглядзіце - і мо охаць менш будзеце.

http://minsk-old-new.com/minsk-2700.htm

вось напiсаў(ла) 2 сакавiка 2013 у 22:53

такая ж багатая наша мова..¿¿¿¿

вось... напiсаў(ла) 2 сакавiка 2013 у 23:01

І чаго яна ў вас, вось-вось, перакулілася, тая багатая мова???

moon22 напiсаў(ла) 2 сакавiка 2013 у 23:20

Як бы пабываў у тым старым Менску!

Франак Нырка напiсаў(ла) 3 сакавiка 2013 у 20:31

Вядома. Наогул, цэнзура была беспрэцэдэнтная. Прымушалі адусюль прыбраць крыжы,...
      Зянон Пазняк.
______________________________________________-

Так. Таксама, як зараз прыбраныя ўсе зоркі і сярпы з молатамі на ўсёй постсавецкай прасторы, ня гледзячы на тое, што сцягі супрацоўнічаўшых з таксама забароненым крыжом-свастыкай сцяг Бандэраўскі і РОА сталі дзяржаўнымі на Украіне і ў Расіі.
Усе сымбалі створаны людзьмі. У тым ліку і крыж, на якім распялі гладыятара Спартака, прататыпа Езуса. І пад усімі сымбалямі забівалі людзей свае "крыжакі",
нават пяцізоркавыя і бел-чырвона-белыя пагоні.
Пытанне толькі ў тым, які сымбаль на дадзены гістарычны момант здольны ўзрушыць грамадства , а які з'яднаць больш за іншых.

VALKYRIJA напiсаў(ла) 4 сакавiка 2013 у 23:37

Да савецкай шэраговай забудовы стаўлюся як да расейскага мата - прымітыўна, агідна, безгустоўна...
Парадная савецкая архітэктура, так званы "ампір", куды "надзёргалі з папярэдніх стыляў, безумоўна, уражвае на фоне гэтай шэрасці...
Самае жахлівае, што зрабілі з Менскам - зруйнавалі рэльеф... гэта як чалавек без ног ці ўвогуле - без галавы... Калі бачыш на малюнках пагоркі старажытнага Менску, адчуванне, што дадаецца паветра і лягчэй дыхаць...
Менск СКАЛЕЧЫЛІ! Іншага азначэння не магу прыдумаць...
Ранні савецкі канструктывізм усё ж з'яўляецца новай ідэяй для свайго часу на фоне безідэйнай і безгустойнай цяперашняй забудовы... уяўляю, калі б перанесці чатыры менскіх будынка гэтага стылю на плошчу Незалежнасці, то цікавая атрымалася б "прастора"... нават касцёл Сымона і Алены больш бы гарманічна ўпісаўся ў такую плошчу... Але ў нас, напэўна і "будынкам-аднадумцам" больш двух збірацца забаронена...

Франак Нырка напiсаў(ла) 5 сакавiка 2013 у 8:41

VALKYRIJA напiсаў(ла) 4 сакавiка 2013 у 23:37
___________________________________________________

Можна колькі заўгодна ставіцца абразліва да забудоў Мінска 60-70-х гадоў, калі не ведаць што было да гэтага. Калі не ведаць, што большасць насельніцтва горада жыло ў сырых бараках, без газу, вадаправода, туалетаў і ванных. Як Масква не адразу будавалася, так і Мінск. Але лепш жыць як мага хутчэй хацелася заўсёды.
Вось, можа нешта распавядзе мой учарашні верш пра той час:

Один дома

Давным давно, в другом мирУ,
когда горбатил «Запорожец»;
крутил педали каждый друг,
кому соседом был наш дворик;

Когда и школьник мастерил
в отдельно встроенном сарае,
а были те кто кур растил
туда цыплят с зерном впуская;

В том мире, где не знали газ,
брикеты торфа в печь кидая;
а телевизор был на раз,
и навсегда почти, как знамя;

Ни телефонов, ни ночных
дозоров радио, как точек, -
Жил холодильник с нами, «Минск».
Второй потом был, как и ночи.

Трамваи ездили тогда,
а он, немного соревнуясь,
заснуть давал в те вечера,
когда в кино ходили судьи.

Отец и мама не могли
лелеять слишком деток малых.
А старший я был у печи,
со спящей младшей, самой самой.

Завоет ветер в зимний час,
проедет «ЗИЛ» как та торпеда,
шаги и звуки взрослых враз
сжимали что-то, или где-то.

Но «Минск» привычно загудел...
Считать до ста, потом обратно;
и снова прямо, ведь предел
намного ближе - две девятки.

Гудит, считается и нет
ни взрослых слишком наказаний,
ни червячков цыплячьих лет,-
При деле всё, и по желанью.

Я не считаю, и не сплю.
Уже давно всё в ритме ночи.
Когда-нибудь я вновь засну,
когда мой Минск того захочет.

VALKYRIJA напiсаў(ла) 5 сакавiка 2013 у 20:57

2 Франак Нырка напiсаў(ла) 5 сакавiка 2013 у 8:41
Можна колькі заўгодна ставіцца абразліва да забудоў Мінска 60-70-х гадоў, калі не ведаць што было да гэтага. Калі не ведаць, што большасць насельніцтва горада жыло ў сырых бараках, без газу, вадаправода, туалетаў і ванных.
--------------------------
Так, я не не магу з павагай адносіцца да гэтых клетак (нават не вал'ераў) для людзей... Самая бедная і нязграбная вясковая хата мае свой працяг у садзе, гародзе, лесе, полі, рэчцы... Нездарма немцы прапаноўвалі зрабіць фотаальбом нашых вёсак - "драўляная Беларусь"...
Апошнім часам, калі вёскі пачалі выміраць звяртаю ўвагу на грунтоўныя хаты, іх дэкор, на арганізацыю падворка... Цяжка паверыць, але я сама яшчэ сутыкнулася ў радзіне з арганізацыяй вясковага падворка, як гэта рабіла малазямельная шляхта, ... бачыла на свае вочы, але зразумела толькі тады, калі прачытала пэўную літаратуру... гэта не падобна на сялянскае жытло...
Дарэчы, бачна, што продкі Зянона Пазняка былі добрымі гаспадарамі... дом не выбітны, але двор - лядоўня, дрэвы... там адчуваецца душа гаспадара... Касцёльны крыж пануе над вёскай... вялікі луг цягнецца да рэчкі... ВОЛЯ!!!
Я МАГУ зразумець, што для некага і "хрушчоўкі" былі шчасцем, і там вырасла некалькі пакаленняў, але вось такое "хрушчоўскае" шчасце цягнецца ў Беларусі да гэтай пары...
Маёй бацькоўскай сям'е мо пашанцавала, мы жылі амаль на ўскрайку горада, сярод прыватнага сектару... мне здаецца, гэта быў адзін з самых крыятыўных і свабодных раёнаў Менску... цяпер гэта амаль цэнтр... Вось гэты маленькі кавалак зямлі вакол прыватнага дома фармаваў зусім іншую псіхалогію ў чалавека... я не ўспрымаю шэрыя шматпавярховікі як нармалёвае жытло для людзей...
"... Як Масква не адразу будавалася..."
--------------------------
У мяне няма звычкі параўноўваць нешта з Масквой... яшчэ да развала саюза больш арыентавалася на Рыгу, Талін... на жаль Вільню ведала павярхоўна... не пашанцавала з сапраўднай інфармацыяй...

Polka напiсаў(ла) 6 сакавiка 2013 у 0:33

http://www.youtube.com/watch?v=vVKtUw8vuU8
Прaбaчцe, я крыxy нe нa тэмy… Xaчy з Baмi пaдзялiццa тым, штo знaйшлa cёння ў ceцiвe. Дaвaeнны рoлiк прa Пoльшчy, кaлярoвy, нa aнгeльcкaй мoвe. Нa мaю дyмкy цiкaвы. Рacкaзвae дaчкa Maрыi Cклaдoўcкaй.

Франак Нырка напiсаў(ла) 6 сакавiка 2013 у 8:03

VALKYRIJA напiсаў(ла)
5 сакавiка 2013 у 20:57
2 Франак Нырка напiсаў(ла) 5 сакавiка 2013 у 8:41
Можна колькі заўгодна ставіцца абразліва да забудоў Мінска 60-70-х гадоў, калі не ведаць што было да гэтага. Калі не ведаць, што большасць насельніцтва горада жыло ў сырых бараках, без газу, вадаправода, туалетаў і ванных.
---------------------
Дадам тады яшчэ. У 60-х мы жылі таксама, бадай у сёнешнім цэнтры, на 2-м апанскім завулку. Усе фота тых часоў зроблены на вуліцы на фоне палісаднікаў і аднапавярховых пабудоўў, бо ўнутры баракаў было сорамна здымаць. Усім нармальным дюдзям куды важней дом унутры. Элементарных умоў не было. Ваду дарослыя з калонак вёдрамі насілі, пры -20 ў асобных прыбіральнях са шчылінамі стоечы і на вясу аблягчаліся, у тым ліку і пасярод ночы, а дзеці зусім малыя ў гаршчкі пасярод катухоў агульнай плошчай ад 10 да20м2 максімум. Як ужо бацька галіўся і не уяўляю. З вільгаці гніючага дрэва не толькі я бранхіт, а потым астму набыў на дзесяцігоддзе, але і суседскі сябра-аднагодак. Зза вялікай плошчы аднапавярховак да школы 51-й было ўтрая-учацьвёра далей, чым зараз паміж школамі, амаль тое ж з дзіцячым садам. Запалкі ў дзіцячых руках былі сапраўднай небяспекай праз тыя печкі і прымусы керасінавыя, рэгулярна пагарэльцы наведваліся па спагаду-грошы. А што такое хоць і хрушчоўская планіроўка ў параўнанні з суцэльным залам-спальняй-кухняй-калідорам??? Вы проста не разумееце, што для тых мінчукоў напоўхрушчоўскія шматпавярхоўкі 70-х, нават, не маннай, а паратункам былі. Я проста не разумею, як можа сцьвярджаць адваротнае жанчына?!.
І потым хто спрачаецца з тым, што вясковыя пабудовы лепш гарадскіх? Французскія каралі? Рускія цары? Радзівілы? Толькі іх не перанясеш у мегаполіс.
"Вялікая дзярэўня" атрымаецца, небяспечная і не прыстасаваная для сумеснага жыцця. Па вялікаму рахунку гарады заўсёды былі і застануцца камуналкамі ў параўнанні з хутарамі.
А ў сталінках я таксама пажыў. У чыстых хрушчоўках не, а ў сталінках пахадзіў... па драўляным, хістаючымся перакрыцці. Танцавалі нават па ім. Праўда вярхі шафаў вагаліся ў бакі сантыметраў на 10-15. і кухні шчэ горш 5,9м2 плошчай,пры настолькі адкрытым балконе, што так і не зразумелі для чаго ён трэба ўвогуле.

ёлка напiсаў(ла) 6 сакавiка 2013 у 17:41

Сапраўды, дзяўчаты быццам з іншга свету, іншага стагоддзя. Як прышэльцы тут.

VALKYRIJA напiсаў(ла) 7 сакавiка 2013 у 0:19

Франак Нырка напiсаў(ла) 6 сакавiка 2013 у 8:03
Вы проста не разумееце, што для тых мінчукоў напоўхрушчоўскія шматпавярхоўкі 70-х, нават, не маннай, а паратункам былі. Я проста не разумею, як можа сцьвярджаць адваротнае жанчына?!.
---------------------
Не хачу Вас пакрыўдзіць, ды і размова атрымліваецца не форумнага фармату, але менавіта як жанчына, я не хачу, каб мае дзеці жылі ў такіх убогіх умовах... і я лічу прыватны дом з усімі складанасцямі больш годным жытлом...
Мяне здзіўляе рабская псіхалогія нашых людзей!
- Вы павінны быць удзячны дзяржаве, што яна вас вывучыла...
Мае бацькі што не працавалі? не плацілі налогі? Я не плачу налогі, каб сама і мае дзеці атрымалі якасную адукацыю? Замест гэтага дзяцей палову адукацыйнага часу пічкаюць дыбільнай ідэялогіяй... Я што на гэта разлічвала, калі ў мяне забіралі частку заробленых грошаў... Дарэчы, за ўсе дадатковыя веды пры Луке я заплаціла самастойна - сваімі грошыкамі... І ні Шушкевіч, ні Лукашэнка веды мне ў галаву не ўкладалі... За што я павінна дзякаваць?!
Так жа і з жытлом... Гэтыя "хрушчоўкі" будавалі, таму што эканомілі на людзях - на тых, хто працаваў на гэтую дзяржаву...
"безумоўна", неабходна было займацца ўзбраеннем, даганяць Амерыку, а людзі могуць пажыць у такіх халупах, якія цяпер спрабуюць уцяпляць, ды не вельмі дапамагае...
І што дагналі Амерыку? Засталіся без штаноў... Што маюць постсаўкі? канкурэнтную прамысловасць? якасную навуку, медыцыну, адукацыю, свае аўто, электроніку??? Н І Ч О Г А !!!
Напэўна Вы ведаеце, што пасля аб'яднання Германіі ГДРаўскае жытло пуставала... людзі не жадалі больш жыць у такіх умовах... засталіся толькі самыя бедныя...
Ёсць народныя традыцыі будавання жытла, яны дасканаліліся вякамі, цяпер многія ўспамінаюць гэтыя традыцыі пры пабудове катэджаў з улікам сучасных тэхналогій... Але народу ўвесь час навязваюць розную бздуру, якая не падыходзіць ні псіхалогіі людзей, ні прыродным умовам... Павучыліся хаця б у скандынаваў...
Мне б было шкада людзей, якія не разумеюць, што на іх гарбу жыравалі партыйная вярхушка і полчышча гэбні, калі б яны не ўплывалі і на маё жыццё, бо я не жадаю жыць ва ўмовах, якія выхоўваюць "маленькіх Вер"...

VALKYRIJA напiсаў(ла) 7 сакавiка 2013 у 1:33

ёлка напiсаў(ла) 6 сакавiка 2013 у 17:41
Сапраўды, дзяўчаты быццам з іншга свету, іншага стагоддзя. Як прышэльцы тут.
-------------------------
Не, мае продкі на гэтай зямлі жылі заўсёды... у розных яе кутках...  
ва мне сышліся розныя саслоў'і і розныя гены нашай зямлі, таму ніякія "ёлкі-палкі" не прымусяць мяне жыць па- маскальскі...

Polka напiсаў(ла) 7 сакавiка 2013 у 20:16

Фрaнкy H.
Kaнeшнe, вялiкaя вёcкa Meнcк былa нязрyчнaй дa жыцця, aлe ж штo зacтaлocя? Шeрыя xрyшчoўкi aд Bлaдывocтaкa дa рaкi Лaбы. 
A Hямiгy нaштo былo рaзбyрaць? Янa ж нe былa вёcкaй.
Пaдaeццa, y Бeлaрyci тaкoe aдбывaeццa  дaгэтyль. Знiшчaюць cтaрoe бeз aднoй дyмкi, штo гэтa нeйкiя кaштoўнacцi, гicтoрыя iгд. Тaкiм чынaм cтвaрaюць крaiнy бeз yлacцiвacцeй.

Франак Нырка напiсаў(ла) 8 сакавiка 2013 у 21:12

VALKYRIJA напiсаў(ла)  7 сакавiка 2013 у 0:19
Polka напiсаў(ла) 7 сакавiка 2013 у 20:16
ХХХХХХХХХХХХХХХХХХХХХХХХХХХХХХХХХХХХХХХХХХХХХХ
Аб чым спрэчка, спадарыні?
Вы будзеце мне распавядаць як мне было б добра памерці ад астмы ў сырым бараку без уселякіх умоў для жыцця наўогул?
Вы будзеце мне распавядаць наколькі дрэнны Машэраўскі ўрад, які дапусціў за 50 год да гэтага рэпрэсіі і за 20 год да гэтага не прымусіў здацца немцам, альбо немцам з англа-амерыканцамі, каб лягчэй дыхаць было праз шыбеніцы са Шчэрбацэвічамі і Брускінымі? Хіба тыя англічане ўжо разам з амерыканцамі  спынілялі  стварэнні новых Мюнхенаў 38 ужо праз Венгрыі 56? Як можна было патрабаваць у кіраўніцтва БССР хоць якіх залішніх шавольканняў, хоць у які бок, спадарыні? Калі ў вашых продкаў былі маёнткі на вёсцы, дык у майго дзеда быў свой дом на Калектарнай (былой "жыдоўскай"), але яго добра бамбанула спадарыня Грызадубава толькі таму, што ў Мінску былі немцы, і гетта амаль побач. 
І адная сям'я атрымала плошчы на чатыры сям'і ў 60м - адную хрушчоўку дзеду, і тры падменкі дзецям. Мала? Праз 15 год пасля суцэльнага руйнавання Мінска? А ў 70-м атрымалі і дзеці кватэры па 50м2. Мала?
Калі б ЗША з Еўропай не ставілі непераадольны бар'ер перад абуткам, што мадэліраваў мой бацька, які я меў магчымасць параўнаць з "саламандэрам" і іх коштам, дык хапіла б на нехапаючае для лепшых заводаў і большых будынкаў.
1/6 па тэрыторыі і 1/10 па насельніцтву пэўне ж будзе паступова бяднець з халоднай вайны з боку астатняй большасці-зграі, як тая Паўночная Карэя хуценька, усур'ёз і надоўга.

падпіска на каментары каментары праз RSS

паказаць менш каментароў » каментаваць

Дадаць каментар (прэмадэрацыя)

Націсканьне кнопкі «Дадаць каментар» азначае згоду з рэкамендацыямі па абмеркаванні.

Спам-фільтар: увядзіце ўсе лікі без прабелаў (напр. 15091974), каб даслаць каментар.

Імя * запомніць мяне

дзевяць тры адзін адзінаццаць дзесяць *

Апошнія ў рубрыцы

Галоўнае

Беларуская глыбіня. Палацык

Камяні спатыкнення

Футбалісты «Дынама» Брэст затрымалі на 10 хвілін пачатак матчу: Не плаціць чатыры месяцы заробак — гэта не нармальна 4

БАТЭ прайграў сенсацыйна «Гомелю»: «Шахцёр» адарваўся на 6 ачкоў 2

У Полацку абвясцілі жалобу па жанчынах-медыках і адмянілі гарадское свята 1

Як «няпростых» людзей у Беларусі кідаюць за краты 2

«Мы выйдзем шчыльнымі радамі» — новая версія ад праекта Zenon 16 Ці падабаецца вам абноўленая мелодыя? Ці варта было б зрабіць гэтую версію гімнам?

Справа дактароў: фармакампаніі падкупляюць беларускіх медыкаў? 10

МЗС Беларусі: Расія ігнаруе інтарэсы Беларусі ў АЭП 10

Беларускай дыяспары — беларускія пашпарты! 20

Хлопцы пад’ядалі арэшкі ў «Кароне». Пры затрыманні аднаму зламалі хрыбет 28

Басовішча, «Мост», Пікнік.by — фэсты лета-2013 2

У Нарыльскім паўстанні 1953 года бралі ўдзел і беларусы: апавядае Рыгор Клімовіч 4

Надпіс «Дворец независимости» на новай рэзідэнцыі знік — фота 31

Лукашэнка прымае Ермакову з негалоснымі дакладамі? 3

Дашлі сваю навіну

Самае чытанае

Хлопцы пад’ядалі арэшкі ў «Кароне». Пры затрыманні аднаму зламалі хрыбет

Надпіс «Дворец независимости» на новай рэзідэнцыі знік — фота

Ferrari 458 Italia і Jaguar F-type сталі зоркамі Мотаршоў-2013 — фотарэпартаж Гудзіліна

Лукашэнка: Нехта мае паўтара магазінчыка, а сям'я ездзіць на трох іншамарках, купленых па мільёне даляраў

Грузавік раздушыў хуткую дапамогу пад Віцебскам: загінулі чатыры доктаркі

Самае лайканае

«Прышпільная» мова, або Небяспека сыходзіць ад гарачых прыхільнікаў беларушчыны

Грузавік раздушыў хуткую дапамогу пад Віцебскам: загінулі чатыры доктаркі

Віктар Марціновіч: Мова — гэта не балюча

Хрысціянства як анамалія

На поўдні Беларусі размножыліся ядавітыя тарантулы

Меркаванні і пошта

У папяровай НН: Карач, Равяка, Балабанаў і электрык, які вярнуўся з Партугаліі 2

Віктар Марціновіч: Мова — гэта не балюча 59

Падкаст №1: Народны рэферендум 21

Як плённа прайграць выбары

Што значыць звацца «няпростымі» людзьмі ў Беларусі

Хрысціянства як анамалія

Спыніць бойку манашак

Павел Мажэйка пра новую кааліцыю апазіцыі: Нас ізноў разводзяць

Апытанкі

Булгакаў вярнуўся. Ці варта вярнуцца таксама фігурантам падзей 2010-га, супраць якіх няма крымінальных справаў?

Як па-Вашаму, хрысціяне і мусульмане ў ХХІ ст. будуць найбольш ваяваць ці мірна ўжывацца?

Хто пераможа ў фінале Кубка Беларусі па футболе?

Хто пераможа ў фінале Лігі чэмпіёнаў 2012/2013?

Палітык Вольга Карач сказала ў «Народнай волі», што тры кавы і шклянка соку ў Мінску каштавалі ёй 280 тысяч. Вы калісьці сустракалі ў Беларусі такія дарагія кавярні?

Абмеркаванні

(20) Яўген напiсаў(ла) Віктар, Вы - непапраўны рамантык.
24 мая 2013 у 23:49
Беларускай дыяспары — беларускія пашпарты!

(10) трывога напiсаў(ла) А как жа нашы яйцы? стухли?
24 мая 2013 у 23:44
МЗС Беларусі: Расія ігнаруе інтарэсы Беларусі ў АЭП

(16) Андрусь напiсаў(ла) Як песьня добра, яшчэ больш узбагачае Беларускую музыку, але як...
24 мая 2013 у 23:41
«Мы выйдзем шчыльнымі радамі» — новая версія ад праекта Zenon

(2) Ліхтар напiсаў(ла) Пра тое, што выкраданнем людзей могуць скарыстацца бандзюкі думалася даўно....
24 мая 2013 у 23:41
Як «няпростых» людзей у Беларусі кідаюць за краты

(4) Rumbutis напiсаў(ла) http://vk.com/football_mensk глядзi - распавядай - дзякуй!!!
24 мая 2013 у 23:39
Футбалісты «Дынама» Брэст затрымалі на 10 хвілін пачатак матчу: Не плаціць чатыры месяцы заробак — гэта не нармальна

Анекдоты

Анекдот. Дачка загадчыцы сталоўкі з самага дзяцінства ведае

Анекдот. Калі мужчына застаецца дома адзін

Анекдот. Раскрыты сакрэт савецкага шахцёра Стаханава

Тэхналогіі

Фотафакт: У Дзяржынску пабудавалі першы ў Беларусі «мультыкамфортны дом»

Спорт

Фінал СКА — «Эш» пакажуць у жывым эфіры на «Беларусь-2»

Адукацыя

«Дэвальвацыя вышэйшай адукацыі»: Летась школы скончылі 64 тысяч чалавек, у ВНУ паступілі — 81,3 тысячы

Здароўе

«Яна цынічна крала надзею»: доктарка ў ЗША атрымала 14 гадоў за хлуслівыя абяцанні наконт раку

Карысная інфа

Да 27 мая ў раёне плошчы Незалежнасці лепш не ездзіць

Надвор'е

У Беларусь сёння прыйдзе цыклон «Крыстафер»: месцамі залевы і град

Нерухомасць

«Беларусбанк» змяніў парадак пералічэння крэдытаў на жыллё пад 14–16%

Эканоміка

Лукашэнка патрабуе накіраваць сельгасарганізацыям назапашаную на складах тэхніку

Фінансы

Еўра вырас на 60 рублёў

Аўто

Nissan адклікае 800 тысяч аўтамабіляў з-за браку

Крымінал

Выкладчыца БДУІР раскрыла серыю крадзяжоў са студэнцкіх раздзявалак

Здарэнні

Паўтарагадовы хлопчык атруціўся дызельным палівам у Гомельскай вобласці

Усяго патроху

Фотафакт: Пустальга ў Брэсце корміць птушанят

Адпачынак

Ежа

Рэалізацыя праекта па развіццю кулінарнай спадчыны пачынаецца ў Беларусі і Латвіі

Гісторыя

Дзмітрый Матвейчык: Паўстанцам Каліноўскага не хапала добрых афіцэраў

На старонках «НН» 10 і 100 гадоў таму

Рэдактар «Нашай Нівы» цягне пад суд…

Архітэктура

У гістарычным цэнтры Гродна стане яшчэ на 4 будынкі менш

Мова

Міхаіл Кучук: цырульнік, які перакладае фільмы

Рэлігія

У нядзелю — вулічная працэсія на свята Божага Цела

Літаратура

Антыкарупцыйныя нататкі

Кіно

«Жыве Беларусь!» пакажуць у Сінгапуры

Навука

Сейсмолаг: Водгулле землятрусу распаўсюдзілася далёка, бо гіпацэнтр быў глыбока пад зямлёй

Прыватныя абвесткі

Адукацыйны візіт у Бельгію для беларускіх спецыялістаў па энергетыцы

Падзякі

Дзякуем Вераніцы Л.

Афіша Мінск

Прэзентацыя кнігі Галіны Каржанеўскай — 27 мая

Афіша Беларусь

Канферэнцыя, прысвечаная Паўстанню Каліноўскага — Гродна, 25–26 мая

З Масквы. Блог Алеся Чайчыца

Шпацыры па беларускай Маскве: Барысаў камень у Каломенскім

пра «Нашу Ніву» about «Nasha Niva»

Галерэя

Камяні спатыкнення

Як апрануць сабаку — фотафакт

Канферэнцыя, прысвечаная Паўстанню Каліноўскага — Гродна, 25–26 мая

Футбалісты «Дынама» Брэст затрымалі на 10 хвілін пачатак матчу: Не плаціць чатыры месяцы заробак — гэта не нармальна

Містэр і місіс Мускул

У Полацку абвясцілі жалобу па жанчынах-медыках і адмянілі гарадское свята

Як «няпростых» людзей у Беларусі кідаюць за краты

У Заслаўі адкрылася выстава «In memoriam», прысвечаная мастаку Яўгену Шатохіну

Навіны Каментары Гаспадарка Здарэнні Стыль Здароўе Тэхналогіі Гісторыя Культура Спорт Аўто Каханне і сэкс

© ПУП «Суродзічы». Усе правы абароненыя. Выкарыстанне матэрыялаў дазваляецца пры ўмове спасылкі (для інтэрнэт-рэсурсаў - гiперспасылкi) на «НН»
Кантакт з Рэдакцыяй: пошта: nn@nn.by; тэлефоны: +375 17 284-73-29 (тэл./факс), +375 29 613-32-32 (Velcom), +375 29 707-73-29 (МТС). Skype: nashaniva

Дызайн сайта ТО «Brama»

www.brama.by

brama.art@gmail.com

Ахвяраваць грошы на НН праз WebMoney

Галоўнае