Расійская будаўнічая кампанія «Версо М» шукае для працы ў Беларусі эканаміста па працы і стропальшчыка, якія б валодалі рэдкімі мовамі — турэцкай, узбексай, сербскай. Мы пацікаваліся, навошта.
«Мы замежная кампанія. У нас працуюць туркі, узбекі — з імі трэба размаўляць», — патлумачыў мужчына па-руску з небеларускім акцэнтам.
Ад кандыдата не абавязкова ведаць адразу ўсе мовы. Але заробак прапануецца па першыні невысокі — эканамісту 3 млн рублёў, стропальшчыку — нейкія 2 млн.
Гэта значна менш, чым сярэдні заробак па краіне ў студзені — 4 368 023 рублі. І ў разы менш, чым сярэднія заробкі ў бадаўнічай сферы.
Да кандыдатаў на іншыя вакансіі патрабаванні меншыя, але грошы не большыя.
Кампанія «Версо М» займаецца будаўніцтвам, рэканструкцыяй і рамонтам аб’ектаў капітальнага будаўніцтва.
У беларускай сталіцы, да прыкладу, кампанія, на замову Мінскай гарадской жыллёвай гаспадаркі, будуе першую чаргу шматкватэрнага дома з убудаванымі офісамі і падземнай стаянкай каля праспекта Дзяржынскага.
