04.03.2013 / 11:12

Тыповыя памылкі мужчын у адносінах з жанчынамі 8

Часта можна сустрэць упэўненага, прывабнага, разумнага мужчыну, у якога ёсць усё, што жадае бачыць жанчына. Але, тым не менш, калі справа тычыцца жанчын, у іх нічога не атрымоўваецца. Часам мужчыны проста не могуць зразумець, чаго ад іх чакаюць, і робяць грубыя памылкі. Нягледзячы на тое, што намеры ў іх самыя лепшыя, такія ўчынкі могуць сапсаваць вашы адносіны на ўсё жыццё.

Ёсць пяць тыповых памылак, якія жанчыны не даруюць і ў выніку паставяць крыж на адносінах. Гэта калі мужчыны:

1. З першых сустрэч праяўляюць пачуццё ўласніка.

Здараецца, што падчас таго, як мужчына сядзіць дома і глядзіць тэлевізар, яго новая сяброўка сядзіць у кафэ разам з калегамі-мужчынамі. Ужо позна, а яна не тэлефануе. Зразумела, што трэба даведацца, дзе яна, але дазваніцца да яе не атрымоўваецца. Мужчына пачынае тэрарызаваць жанчыну паведамленнямі, званкамі, а ёй гэта не падабаецца. Лепш пачакаць, пакуль яна сама патэлефануе. І нават калі яна расказвае пра свой вечар, не трэба глядзець на яе вачамі, запаленымі рэўнасцю.

Калі даць жанчыне пэўную свабоду, ёй самой захочацца праводзіць больш часу з мужчынам.

2. Расказваюць пра сваіх былых сябровак.

Жанчын не цікавіць канкурэнцыя. Дапамагчы мужчыну забыць яго былую, і, у выніку, аказацца лепш за яе — гэта не тое, чым жанчына хоча займацца. Калі, напрыклад, хлопец распісвае сваю ранейшую дзяўчыну як саму дасканаласць, новая сяброўка хутка збяжыць.

Жанчынам не падабаецца, калі іх параўноўваюць з іншымі. У дадатак, ім вельмі хутка надакучыць мужчына, які сумуе па сваёй былой сяброўцы.

Калі ранейшыя адносіны не забытыя, лепш пайсці ў спартзалу, а не пачынаць новыя і выліваць сваё гора жанчыне.

3. Спадзяюцца на жаночае ўсёдараванне.

Калі вы некалі моцна пакрыўдзілі жанчыну, досыць наіўна меркаваць, што яна вам некалі гэта даруе, хаця выгляду можа і не падаць. А калі дараваць вам даводзіцца ўвесь час, у адзін «цудоўны дзень», зусім нечакана, вы можаце прыйсці дадому і пабачыць на парозе сабраны чамадан. Альбо ваш, альбо яе.

Здрады таксама не даруюцца.

4. Не раздзяляюць пачуццяў.

Вельмі важна для адносін, каб мужчыны раздзялялі пачуцці сваіх каханых. Прычым як для рамантычных, так і для платанічных.

Жанчыны хочуць, каб іх разумелі і ўхвалялі іх пачуцці.

5. Хаваюць свае пачуцці.

Многія робяць гэта, каб не падацца мяккім і слабым. Але не дзяліцца сваімі эмоцыямі з блізкім — памылка, прычым істотная. Гэта таксама перашкода для развіцця адносін.

Канешне, мужчыны могуць не звяртаць увагу на ўсё вышэйсказанае і тлумачыць, што яны хочуць заставацца самімі сабой. Але калі адносіны не ладзяцца даўно, то ім варта задумацца. Памылкі трэба прызнаваць і ліквідоўваць.

Таццяна Жданава, псіхолаг Маладзечанскага раённага тэрытарыяльнага цэнтра сацыяльнага абслугоўвання насельніцтва.

0
Filifionka / Адказаць
04.03.2013 / 15:29
Усё слушна, на маю думку. Яшчэ жанчыны ня любяць зьняважлівага і паблажлівага стаўленьня. Каторыя абураюцца, а каторыя могуць не падаць віду, але адпомсьцяць паціху. Хто б яшчэ пра мужчын такі ж слушны тэксьцік склаў.
0
Максим Дизайнер / Адказаць
04.03.2013 / 15:29
1. Чувство вечного должника, без равноценной отдачи с другой стороны 2. Слишком большая трата времени и средств на секс, который в итоге может оказаться ужасным. 2. Сперматаксикоз 3. Непонимание, что все ради секса. 4. Непонимание, что секс для женщин так же важен, как и для мужчин, и чем дальше, тем больше. 5. Чрезмерная мягкость в отношениях 6. Вседозволенность со стороны мужчины, обесняемая слабостью противоположного пола. 7. Дети, как рычаг давления на мужчину. 8. Тотальное доминирование женских желаний и интересов над мужскими. 9. Боязнь остаться без детей и семьи. 10. Расслабление, наступающие после свадьбы, когда женщина остается в форме, а у мужчины заплывают мозги и жопа. 11. Попытка мужчины делать все, оставляя женщине куча времени на занятие ерундой. 12. Быть бараном, который женится на серой мыши, потому что все остальные его "достали". 13. Не бухать, если этого хочет женщина. 14.Искать подруг под стать своему социальному статусу ,и интелелктуальному развитию. Или такую, которая могла бы чем-то компенсировать свои недостатки.
0
svayak / Адказаць
07.03.2013 / 21:47
второй пункт в большей степени относится к девушкам, во всяком случае, я еще не встречал ту, которая с первого же свидания не начала рассказывать про своего "бывшего"...
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру