Сталін паміраў як сабака

Першыя дзесяць гадзін пасля інсульта кіраўнік СССР праляжаў на халоднай падлозе ў мокрых ад мачы падштаніках. Да дыктатара проста баяліся падысці, каб пасля не аказацца вінаватымі.

Сталін паміраў як сабака
Сталін паміраў як сабакаСталін паміраў як сабака

60 гадоў таму, 5 сакавіка 1953 года на падмаскоўнай дачы памёр 73-гадовы Іосіф Сталін. Яго смерці папярэднічалі пяць дзён агоніі, падчас якой нават найбліжэйшыя хаўруснікі не наважваліся набліжацца да злавеснага «правадыра».

Дачу Сталіна ў падмаскоўным Кунцаве збудавалі ў 1934 годзе. Мерамі аховы яна нагадвала гулагаўскі лагер.

Плот вакол усёй тэрыторыі быў трохметровы і падвойны, Тэрыторыю атачалі роў і калючы дрот. Па ўнутраным коле між платамі дзяжурылі патрульныя з сабакамі.
Яшчэ часам па гэтай «кальцавой» катаўся на вазку, запрэжаным коньмі, сам Сталін.
На дачы ён жыў пры завешаных фіранках, каб знадворку немагчыма было пабачыць, што робіцца ў пакоях.

Сталін дрэнна спаў ноччу, таму зазвычай уставаў позна. Першыя распараджэнні абслузе ён даваў між 10 і 11 гадзінамі, выклікаючы да сябе званком. 1 сакавіка 1953-га званок не прагучаў.

А 12-й ахова і дворня, што ад 10-й раніцы чакалі на кухні распараджэнняў, пачалі хвалявацца.
Трывога падмацоўвалася тым, што ў пакоях Сталіна не было ўвогуле ніякага руху. Адкуль ведалі? Бо
на ўласнай дачы Сталін быў пад поўным кантролем: у мяккую мэблю і ў дзверы яго жылых пакояў былі ўмантаваныя спецыяльныя датчыкі, што рэагавалі на рух і перадавалі сігналы на кантрольнае табло.

Што ж робіць ахова, зразумеўшы, што з «вялікім правадыром» непарадак? Ліхаманкава кідаецца ў яго апартаменты? Як бы не так.
Да позняга вечара, да 22-й, ахоўнік Лазгачоў і начальнік аховы Старасцін тапталіся перад дзвярыма, спрачаючыся, каму ісці да Сталіна.
Так аднаўляе гэтую сцэну са словаў Лазгачова расійскі гісторык Эдвард Радзінскі: «Я кажу Старасціну: «Ідзі ты, ты начальнік аховы, ты павінен занепакоіцца». Ён: «Я баюся». Я:
«Ты баішся, а я што, герой ісці да яго?»

Урэшце, з ЦК даслалі пакет, і ў аховы з’явілася нагода зайсці да Сталіна. Гэтая нерашучасць — сведчанне таго страху, які атачаў першую асобу СССР. На яго фоне глядзяцца непераканаўча гісторыі пра тое, які «просты» быў Іосіф Вісарыёнавіч.

Што ж пабачыў Лазгачоў, адчыніўшы дзверы ў малую сталовую?

73-гадовы Сталін ляжаў на падлозе ў ніжняй кашулі. Піжамныя штаны былі мокрыя ад мачы. Відавочна, у такім стане ён знаходзіўся ўжо каля дзесяці гадзін.
На стале побач стаяла бутэлька мінералкі і шклянка. Відаць, Сталін, падняўшыся раніцай, ішоў папіць вады, і ў той момант яго ўдарыў інсульт.

«Таварыш Сталін моцна спіць»

Учатырох, з іншымі ахоўнікамі і кухаркай, яны перанеслі Сталіна на канапу ў вітальню. Сталін быў паралізаваны — не рухаўся, толькі глядзеў… Адразу ж кінуліся званіць кіраўніку МГБ Ігнацьеву. Той загадаў званіць Берыю, члену Бюро Прэзідыюму ЦК КПСС, куратару сілавых ведамстваў. Берыі дома не знайшлі: магчыма, быў у адной з каханак. Пазванілі Малянкову, той таксама не знайшоў Берыю… Але хутка

Берыя перазваніў і строга загадаў пра хваробу Сталіна нікому не расказваць.

Каля трэцяй гадзіны ночы Берыя і Малянкоў прыехалі на сталінскую дачу. Без дактароў. Зірнуўшы на нерухомага Сталіна, Берыя звярнуўся да Лазгачова:
«Чаго ты паніку наводзіш? Бачыш — таварыш Сталін моцна спіць».
Пасля таго Малянкоў і Берыя з’ехалі.

Наведаліся ўначы і Хрушчоў з Булганіным. Але яны нават не пайшлі ў залу, дзе ляжаў Сталін — пагаварылі з аховай у «дзяжурцы». Чаму? Нібыта, была такая дамоўленасць з Малянковым, лічыць Радзінскі. Малянкоў і Берыя мусілі ўвайсці да Сталіна першымі і вырашыць, што рабіць далей.

Магчыма,

чатыры самыя магутныя пасля Сталіна асобы ў СССР не спяшаліся выклікаць дактароў, каб мець час дамовіцца між сабой пра падзел улады.
Дзе правялі рэшту ночы Берыя, Малянкоў, Хрушчоў і Булганін — члены «кіроўнай пяцёркі» Бюро прэзідыюму ЦК КПСС? Як пісаў ва ўспамінах сын Хрушчова, бацька, прыехаўшы з сталінскай дачы, праз нейкі час зноў з’ехаў і дома не начаваў.

Каля 8.30 Хрушчоў зноў з’явіўся на дачы і сказаў Лазгачову, што хутка да Сталіна прыедуць дактары. І праўда: неўзабаве прыехаў міністр аховы здароўя А.Трацякоў, склікалі кансіліум. Сталін заставаўся без медычнай дапамогі амаль суткі.

Ад 22-й вечара да 9-й раніцы ахоўнік Лазгачоў сядзеў пры Сталіну ў поўнай невядомасці. Гэта, прызнаваўся ён пасля, была самая страшная ноч у яго жыцці.

Піяўкі ад інсульту

Прафесары-медыкі хутка і аднагалосна паставілі дыягназ: масіўнае кровазліццё ў мозг, у левае паўшар’е, на глебе гіпертаніі і атэрасклерозу мазгавых артэрый. Ціск у Сталіна быў 220/110. Дактары папрасілі тэрмінова прывезці медычныя дакументы Сталіна з Крамлёўскай бальніцы. Але

ніякіх дакументаў пра ранейшыя хваробы аднаасобнага кіраўніка, ад здароўя якога залежаў лёс вялізнай краіны, знайсці не ўдалося.
На ўсёй дачы не было ніякіх, нават самых прымітыўных лекаў. Сярод шматлікай абслугі не было ніводнай медсястры. «Вы б медсястру завялі пад выглядам пакаёўкі ці доктара пад выглядам аднаго з палкоўнікаў, — усклікнуў адзін са здзіўленых дактароў падчас кансіліуму, — бо чалавеку ж 73 гады!» Ніхто нават не ведаў, як доўга Сталін пакутуе ад гіпертаніі.

Незадоўга да таго адбылася "справа дактароў", задуманая Сталіным для ўздыму шпіёнаманіі і гандлю з Захадам -- на гэта раз за яўрэяў.

Цягам 2 сакавіка дактары спрабавалі знізіць ціск і стымуляваць працу сэрца.

Берыя і Малянкоў загадалі кожную лекавую працэдуру папярэдне ўзгадняць з імі, што запавольвала лячэнне ў крытычнай сітуацыі.

Кансіліум, які сабраўся раніцай 3 сакавіка, канстатаваў: смерць непазбежная, лік пайшоў на дні. Адразу ж усіх членаў ЦК КПСС тэрмінова выклікалі ў Маскву: абмяркоўваць неабходныя меры, звязаныя з непазбежнасцю смерці кіраўніка дзяржавы.

У 1953 годзе эфектыўных метадаў лячэння інсультаў не было. Дактары маглі хіба адтэрмінаваць смерць на тыдні ці месяцы, прычым хворы заставаўся часткова паралізаваным. Дамінавала ўяўленне, што хвораму трэба даць спакой і спрабаваць збіць ціск прэпаратамі.

Калі б лекаванне пачалося ў першыя ж гадзіны, маштаб кровазліцця ўдалося б, напэўна, зменшыць, Сталін бы яшчэ трохі мог пажыць. Але не факт, што лёс яго розніўся б ад лёсу Леніна ў апошні, «горацкі», перыяд жыцця.

Лячэнне Сталіну было прапісанае кансерватыўнае: піяўкі для зніжэння ціску, халодны кампрэс, мікраклізма… З яго рота вынялі ўстаўныя сківіцы.

Пераемнасць не была прадугледжаная

У сярэдзіне дня ў Сталіна праявілася перарывістае дыханне «па тыпу Чэйн — Стокса», з доўгімі затрымкамі, ціск узняўся. Паступова жыццёвыя сілы арганізма згасалі, сэрца білася глуха, ціск скакаў.

Але

назаўтра, 3 сакавіка, Сталіну стала лепей. Ён апрытомнеў, расплюшчыў вочы. Можна сабе ўявіць, як спалохаліся прыспешнікі,
якія ўжо дамовіліся пра падзел улады… Аднак усёмагутнага нядаўна лідара хапіла толькі на бязгучны шэпт.

Тагачасная Канстытуцыя СССР не мела ніякіх артыкулаў, якія рэгламентавалі б пераемнасць улады ў выпадку, калі кіраўнік дзяржавы не ў стане выконваць свае абавязкі. Не меў палажэнняў пра пераемнасць лідара і статут КПСС. Не было яснасці і з пасадай Вярхоўнага Галоўнакамандуючага.

Малянкоў, які лічыўся «другім» сакратаром, фармальным спадкаемцам Сталіна ў ЦК КПСС, не меў у сваім распараджэнні ніякіх сілавых структураў і спецслужбаў. Войска, флот, дзяржбяспека падпарадкоўваліся, апроч Сталіна, толькі галіновым міністрам. Гэта і быў адзін з фактараў, які перадвызначыў далейшы ход гісторыі. Міністр МГБ Ігнацьеў, на якога раптам звалілася вялізная ўлада, вырашыў падтрымаць блок Булганіна і Хрушчова ў абмен на гарантыі асабістай бяспекі. Ён разумеў, што пасля прыходу да ўлады Малянкова і Берыі яго зробяць «ахвярным казлом» за «справу дактароў» і іншыя рэпрэсіўныя ініцыятывы апошняга часу, якія без Сталіна мусілі рассыпацца

Народу пра хваробу Сталіна сказалі толькі 4 сакавіка ў афіцыйным паведамленні па радыё.
На той момант надзеі на выратаванне ў Сталіна ўжо не было. Ён быў без прытомнасці, пасінеў, спацеў, пачалася ікаўка. Сталін задыхаўся.

Дзяльба падчас агоніі

Раніцай 5 сакавіка пачалася крывавая рвота, сэрца шалёна калацілася, пульс скакаў да 120 удараў у хвіліну.

Каля 20-й гадзіны пульс дасягнуў 140–150 удараў. У гэтыя хвіліны, падчас агоніі Сталіна, у Крамлі сабралася кіраўніцтва КПСС.
Найбліжэйшыя спадкаемцы рэалізавалі распрацаваны ў першыя дні хваробы Сталіна план.
Малянкоў стаў кіраўніком Саўміна СССР і фактычным пераемнікам Сталіна, Берыя ўзначаліў аб’яднаныя МГБ і МУС, Варашылаў — прэзідыум Вярхоўнага Савета, Булганін — войска, Хрушчоў — партыю.
Пасяджэнне цягнулася ўсяго сорак хвілін. Пасля новаабраныя лідары савецкай імперыі заспяшаліся на дачу ў Кунцава і яшчэ заспелі Сталіна жывым. Гэты момант яны, відаць, запомнілі на ўсё жыццё. «Апошнія гадзіну ці дзве чалавек проста павольна задыхаўся, — успамінала дачка, Святлана Алілуева. — Агонія была страшнай. Яна душыла яго ва ўсіх на вачах. У нейкі момант — не ведаю, ці на самой справе, але так падавалася — відаць,
у апошнюю ўжо хвіліну, ён раптам расплюшчыў вочы і абвёў імі ўсіх, хто стаяў вакол. Гэта быў жахлівы позірк, ці то вар’яцкі, ці то гнеўны і поўны жаху перад смерцю і перад незнаёмымі тварамі дактароў, што схіліліся над ім. Позірк гэты абышоў усіх у нейкую долю хвіліны. І тут ён узняў раптам угару левую руку і ці то паказаў ёй кудысьці ўверх, ці то прыгразіў усім нам…»

У наступны момант, а 21.50, Сталін памёр.

Сяргей Мікулевіч

Наша Ніва / NN.BY – незалежная газета. Яна існуе на ахвяраванні і грошы з продажаў. Таму яна адлюстроўвае інтарэсы беларускага грамадства, а не дзяржавы. Наша Ніва была заснаваная ў 1906, адноўленая ў 1991.
Ахвяраваць грошы на НН праз WebMoney
Ваша імя (неабавязкова):
Сума (WMB):
про напiсаў(ла) 5 сакавiка 2013 у 1:44
невядома, што лепей, што горай: добра жыць, альбо кепска памерці (с)
123 напiсаў(ла) 5 сакавiка 2013 у 2:07
Сабаку - сабачая смерць. Хоць у чымсьці справядлівасць сустрэла гэтага нелюдзя.
Макс напiсаў(ла) 5 сакавiка 2013 у 3:47
Подпіс пад фоткай з памылкай. Не Булганін за Берыяй йдзе, а Варашылаў! Ня ведаеце фэйсы сталінскіх лізаблюдаў, дык моладзь несвядомую ня блытайце!
Jahor напiсаў(ла) 5 сакавiка 2013 у 4:00
Дрэнна такое казаць, але: не шкада.
никто напiсаў(ла) 5 сакавiка 2013 у 4:24
интересно, а если бы у автора был инсульт, обписялся ли бы он или нет ?Спросите у врачей, что происходит в организме в таких случаях. Кстати, тов-демократ М. Полторанин, возглавлявший комиссию по рассекречиванию документов КГБ при великом реформаторе Ельцине, на официальном уровне подтвердил, что Сталин был отравлен. А данный материал-всего лишь плод больного воображения.
Альгерд напiсаў(ла) 5 сакавiка 2013 у 4:32
Фота: Першы — Берыя, за ім Булганін( не Варашылаў), следам — Хрушчоў і Мікаян.
Сьвядомы Ліцьвін напiсаў(ла) 5 сакавiка 2013 у 5:04
'Сталін паміраў як сабака' САБАКЕ - САБАЧЫЯ СЬМЕРЦЬ!!!
V напiсаў(ла) 5 сакавiка 2013 у 6:13
Собаке - собачья смерть. Простите меня, собаки.
LMI напiсаў(ла) 5 сакавiка 2013 у 6:56
Сталін паміраў як сабака ______________________________________ А ен і быў сабака, дакладней - шалены пес.
анон напiсаў(ла) 5 сакавiка 2013 у 7:51
во всём виноват берия
Ъ+ напiсаў(ла) 5 сакавiка 2013 у 8:01
Людоед, земля тебе колом!!!
belariy напiсаў(ла) 5 сакавiка 2013 у 8:24
сабаку і сьмерць сабачая.
fhvxfghkkbcx напiсаў(ла) 5 сакавiка 2013 у 8:35
chavezu do stalina daleko. no dumaju sejchas ego sostojanie ne luchsbe lezhit i na ludaet kak shakaly deljat vlast. kaddafi pomnim tozhe ne po ljudski pomer. a huzhe vsego nabludat kak vlast deljat samye blizkie...
KazalupЪ напiсаў(ла) 5 сакавiка 2013 у 8:35
Святлана Алілуева, таксама распавядае пра атручванне...
2 анон напiсаў(ла) 5 сакавiка 2013 у 8:38
Да, Берия виноват, что не сумел прийти к власти после смерти тирана..... страна бы стала другой.
Каня напiсаў(ла) 5 сакавiка 2013 у 9:23
Всем знатокам российской истории: за Берией идет именно престарелый Ворошилов. Да, спутать с Булганиным можно, но только если очень постараться, дорогие знатоки. Вы привыкли видеть красного командарма 30-х годов, а это 75-и летний престарелый маршал. Так что поучите жен борщ варить, скороспелые историки.
Аксаковщина напiсаў(ла) 5 сакавiка 2013 у 10:01
Как говорят - в этой стране страшно жить, но умирать в ней еще страшнее.
Чё? напiсаў(ла) 5 сакавiка 2013 у 10:03
Как собака? Собакі достойней подыхают!
зразы напiсаў(ла) 5 сакавiка 2013 у 10:45
Он был сабакой, и здох как шелудивый пес в окружении своры шакалов.
Юрий напiсаў(ла) 5 сакавiка 2013 у 10:46
"На третий день ему стало легче"... Даже самую конченую мразь Господь "отпускает" на какой то период, дав возможность покаяться. Но они не пользуются этим Даром и сейчас вечно горят в аду. И будут гореть, и подыхать как собаки один за другим..
Amatar напiсаў(ла) 5 сакавiка 2013 у 11:02
Цікавы факт: выбітны расейскі кампазітар Сяргей Пракоф'еў памёр 5 сакавіка 1953 года, "у адзін дзень з Сталінам (таму некалькі дзён яго родныя не маглі яго пахаваць). Маскоўская кватэра, у якой памёр Пракоф'еў, знаходзілася зусім побач з Чырвонай Плошчай, і яго цела немагчыма было вынесці на паніхіду на працягу трох дзён." (wiki)
Ляскавец напiсаў(ла) 5 сакавiка 2013 у 11:14
Я лічу, што Сталін быў пачвараю, духоўным вырадкам, які стварыў жудасную, антычалавечую сыстэму кіраваньня краінаю, пабудаваную на хлусьні, прымусе і тэроры. Ён развязаў генацыд супраць народу сваёй краіны і нясе асабістую адказнасьць за смерць мільёнаў непавінных людзей. У гэтым плане Сталін цалкам параўнальны з Гітлерам. Абодва яны прынесьлі ў гэты сьвет столькі гора, што ніякімі ваеннымі або палітычнымі посьпехамі нельга адкупіць іх віну перад чалавецтвам. Няма ніякай істотнай розьніцы паміж Бутаўскім палігонам і Бухенвальдам, паміж ГУЛАГам і гітлераўскай сыстэмаю лагераў сьмерці. І калькасьць ахвяраў сталінскіх рэпрэсіяў цалкам параўнальная з нашымі стратамі ў Вялікай Айчынай вайне. Іларыён (Алфееў), архіяпіскап Валакаламскі, галава Аддзела зьнешніх сувязяў РПЦ, інтэрвію ад 15 чэрвеня 2009г (пераклад мой).
голас з цемры напiсаў(ла) 5 сакавiка 2013 у 13:57
Як слушна заўважыў С. Даўлатаў: "Мы бясконца праклінаем Сталіна і ёсць за што. Але ж я хачу ўсё ж такі спытацца: хто напісаў 4 мільёны паклёпаў?" І ў нас у краіне, калі прыгледзецца, тое ж самае зараз. Так што не адна АГЛобля вінна ва ўсіх бедах.
Jazep, Mensk напiсаў(ла) 5 сакавiка 2013 у 14:03
2 - Ляскавец. Слушна вы напісалі. Але ён ня быў першастваральнікам, а толькі давёў да лягічнага завяршэнья працу, што пачыналі Ульянаў, Свярдлоў, Дзяржынскі і іньшыя "камарады", цалкам у межах агульнае "канцэпцыі" Сусьветнае рэвалюцыі, распрацаванае яшчэ Марксам-Энгельсам. Праўда ад расейскае імпэрскае ідэі аб сусьветным валадараньні яны таксама не хацелі адмаўляцца - гэта цалкам пасавала бальшавіцкаму сьветапогляду пра будучыню Чалавецтва. Такі вось палітычны кактэйль Молатава (а потым і "коллегі" Рыбентропа!)
, напiсаў(ла) 5 сакавiка 2013 у 14:24
голас з цемры напiсаў(ла) 5 сакавiка 2013 у 13:57 Таму яго i клiчуць народным прэзiдзентам.
Фрыдрых Маркс напiсаў(ла) 5 сакавiка 2013 у 15:06
Jazep, Mensk напiсаў(ла) Сусьветнае рэвалюцыі, распрацаванае яшчэ Марксам-Энгельсам. Ня трэба так дурнавата хлусіць. Ні я, ні мой сябрук Карл Энгельс (даўно яго ня бачыў тут) ня мелі на ўвазе тое, што зрабілі Ульянаў - Сталін - Хонекер -... ды іншыя. Мы прапанавалі ідэю (не падабаецца - не бяры) - яны адстойвалі сваю ўладу. Гэта ўсё роўна, што прыйсьці ў рэстарацыю, запрасіць меню ў афіцыянта, а потым паабедаць афіцыянтам і поварам. Дарэчы, маё вучэньне і зараз выкладаюць у замежных універах. А тут на ўсё забыліся, а вось на пачвару Сталіна - чамусьці не...
ага напiсаў(ла) 5 сакавiка 2013 у 16:04
Фрыдрых Маркс напiсаў(ла) 5 сакавiка 2013 у 15:06 Нас неправильно поняли.
ЯНКА напiсаў(ла) 5 сакавiка 2013 у 17:05
. Ніколі не дарую Сталіну, што панішчыў шмат беларускай інтэлігенцыі! Але Сталін выйграў адну з самых страшэнных войнаў на Зямлі. Менавіта Сталін, бо ён быў у стырна СССР. Ці, як казалі больш мякчэй, савецкі народ пад кіраўніцтвам таварыша Сталіна. А што да культу асобы, дык выбачайце, час быў такі! І культ асобы Гітлера быў, як мінімум, у два разы большым, чым у савецкага правадыра. Культ быў у Мусаліні й у брытанскіх рулявых. З матар'яльнага пасьля сябе Сталін пакінуў пару строяў (касьцюмаў) і 900 савецкіх рублёў, што яшчэ раз падкрэсьлівае: дыктатар дыктатару вялікая розьніца. .
НАЦДЭМ напiсаў(ла) 5 сакавiка 2013 у 17:19
Забили яго памагатыя. А пераварот зьдзейсьнили у 1952 г., адсунуушы Сталина ад улады. И упаминауся ён у сьписах дэлегатау 19 зьезду ня першым, а паводле альфабэту. и г.д.
Belarus American напiсаў(ла) 5 сакавiка 2013 у 17:27
Svetlaja pamjat' Iosifu Vissarionovichu!
Jazep,Mensk напiсаў(ла) 5 сакавiка 2013 у 18:20
2-"гаспадам-камарадам" Фрыдрыху Марксу і яго паплечніку Карлу Энгельсу. Цікава, ў чым я схлусіў? "Дурнавата"- я пакідаю на вашым сумленьні. Тое справа густу і ракурсу ўспрыняцьця. Я проста выклаў свае погляды і стаўленьне, што маюць добры грунт таксама. Выглядае, што вы забыліся сэнс і зьмест хоць бы "вашае" паэмы "Маніфэст камуністычнае партыі". Гэта таму, што вы тады былі двума маладымі лабідудамі, што амаль нідзе яшчэ не папрацавалі, альбо проста "зь пьяну напісамшы"? Як у нас зь разьвіцьцём тэзісаў аб наступным адміраньні сям'і, дзяржавы і прыватнае ўласнасьці і гістарычных перспектывах гэтых працэсаў? Як зь ліквідацыяй грошаў? Новапралетарскаю "антыбуржуазнаю" маральлю, культураю і этыкаю? Як з рэлігіяю - грунтам маралі буржуазнае, "опіюмам для народа", бо эўрапейскі пратэстантызм у вялікае ступені ёсьць бацькам капіталізму як такога? Зь вашых ідэалягічных крыніцаў вырасьлі ня толькі "бальшавічкі-таварышы", але скарыстаўся Гітлер, грунтуюць сваю дзейнасьць трацкісты, мааісты, чырвоныя брыгады. Так, сёньня "ваш" аналіз вытокаў капіталізма і функціянаваньня яго складнікаў, дакладней рыначнах механізмаў, ёсьць здабыткам эканамічнае навукі. Ідэйна-палітычны ж "сінтэз", зроблены "вамі" на тым груньце пагатоў спараджае пачвараў кшталту "таварышаў Чэ" і "Шакалаў", выкарыстоўваецца напоўніцу тэарэтыкамі і практыкмі іслямскага тэрарызму і леварадыкальнага экстрэмізму. Таму, ў сэньсе згенераваных фальшывых ідэйных высноваў, як грунт для практычнае пабудовы чалавечых узаемаадносінаў у грамадстве, Марксізм ня ёсьць навукаю. Хоць, паўтаруся, дадзены Марксам аналіз і эканоміка-тэарытычны базіс "стартавых умоваў дзікага капіталізму" - рынкавага грамадства 19-га стагодзьдзя, ў значнае ступені захавалі навуковую каштоўнасьць да сёньня. Персанальны ж ўнёсак Энгельса ў філязофскую навуку ёсьць таксама бязспрэчным, як і эканамічны ўнёсак яго бацькі-капіталіста ў больш-меньш забясьпечаную будучыню "фундатараў Марксізму".
Хрусталёў, машыну! напiсаў(ла) 5 сакавiка 2013 у 18:29
Сапраўды - няма чаго з сабакам параўноўваць. Непараўнальна.. Светлая памяць яму не патрэбна.. А чорная памяць забяспечана. Вайну ён выйграў, а народ вайну прайграў - дагэтуль на вайне, бо Расея - такая краіна, дзе народ знаходзіцца ў каланіяльнай залежнасьці ад імперскай ідэі. Сталін - толькі вяршыня "піку камунізма", а стваралі гару мільёны легіёнаў прастых камуністаў і сотні тысячаў наменклатурных.. Наменклатура тая даўно буржуінамі стала, а кібальчышы так і засталіся з чырвонай зоркай на ілбе- паклоны Сталіну б'юць. Сёньня пабачыла рыбную кансерву "за Родину"... Мо й гарэлка ёсьць "за Сталина"??? Вось яна якая родина ў некаторых. Якое шчасьце было знайсьці Радзіму - напрыканцы ХХ стагодзя.
Странник напiсаў(ла) 5 сакавiка 2013 у 19:24
Авторы и частично коментирующие как то даже смакуют и резвятся как дети . Ах какой была смерть диктатора ! Наверное уверенны , что жить будут вечно , а если с косой придет неизбежная ,то по крайней мере встретят ее на лихом коне ,но не в памперсах . Кто знает ...
ЯНКА напiсаў(ла) 5 сакавiка 2013 у 19:55
. Х.м.: « Сёньня пабачыла рыбную кансерву "за Родину"... Мо й гарэлка ёсьць "за Сталина"??? » ~ ~ ~ Ё гарэлка «Генералісімус» [1]. А Сталін хоць і быў тыранам, але генералісімусам быў сапраўдным. Ня тое, што Колін. З нагоды вашага пытанейка ўзгадваецца адзін выпадак. Неяк узялі мы зь сябрам пляшку, тарток. Сядзім, усе тасты быццам выказаныя, і тутака я кажу гэтак урачыста: «За Беларусь, за Пазьняка!». На што ўжо дос' пахарашэўшы сябручок нязмушана пярэчыць: «Не, навошта так: За Родзіну, за Сталіна..?». Як узгадваю тое, усё не магу стрымацца ад сьмеху! А гэта пра ежу (і т.п.), прысьвечаную Пуціну [2]. ___ [1] http://img-fotki.yandex.ru/get/53/avilownik.5/0_2a228_a1065a4d_L [2] Гл. камэнт за 14 сьнежня 10:30: http://nn.by/?c=ar&i=64955 .
Всем "спецыялiстам" по истории напiсаў(ла) 5 сакавiка 2013 у 19:56
Редакции НН: Молодцы, заголовок отражает истинное лицо "демократов". Отдельно автору статьи С. Микулевичу за название : хотелось бы вас назвать каким-нибудь, мягко говоря, плохим словом, но... смысл. У вас докторская за плечами по заданной теме или у вас конкурс прошел на самое лучшее название статьи?
askrealp@lesapark напiсаў(ла) 5 сакавiка 2013 у 20:01
Сабакі паміраюць альбо на руках гаспадара, альбо ў вэтэрынарнай клініцы. Нічога яны не мочуць, бо пакутваць мы ім не дазваляем з-за сваёй любові да іх. Параўнанне неяк аблагарожвае гэтага монстра. На самай жа справе, не важна атручаны быў ( значыць і сваім надакучыў) ці кардыявіскульны апарат адказаў, зарабіў сабе месца ў пекле. І крывавую пляму на целе СССР. Яго ніхто, можа акрамя родных, не любіў, а ўсе толькі баяліся, як захопніка з заложнікамі, якіх можна вынішчаць, або жыццё дараваць.
Filifionka напiсаў(ла) 5 сакавiка 2013 у 20:04
УСЕ сабакі лепшыя за Сталіна, нават шалёныя. У яго была сталінская сьмерць, як заслужыў.
Олег напiсаў(ла) 5 сакавiка 2013 у 20:23
Был этот сталин мразью, как мразь и сдох. Хороший человек и умирает по человечески, в кругу родных и близких. Надеюсь, что все гады так закончат.
никто напiсаў(ла) 5 сакавiка 2013 у 20:44
думаюб что здесь люди не глупее всехб оставивших свои комментарии-------http://topwar.ru/24955-znachenie-stalina-dlya-sovremennogo-obschestva-kruglyy-stol.html
ant2012 напiсаў(ла) 5 сакавiка 2013 у 20:44
Паважаныя аўтары і каментатары. Сёняшнія абразы гістарычнай постаці кіраўніка магутнай дзяржавы, гэта гаўканне Моські на слана. Ні Робесп'ер, ні Кромвель, ні Пол-Пот не атрымлівалі такіх "кампліментаў", як ад людзей, чые бацькі галасілі пасля смерці Сталіна. Былі і тыя, хто сядзеў, падцяўшы хвост. Калі мы і далей пойдзем па гэтай дарожцы, будзе вельмі кепска.
Сяргей Мікулевіч напiсаў(ла) 5 сакавiка 2013 у 21:02
ant2012 напiсаў(ла) 5 сакавiка 2013 у 20:44 Паважаныя аўтары і каментатары. Сёняшнія абразы гістарычнай постаці кіраўніка магутнай дзяржавы, гэта гаўканне Моські на слана. Ні Робесп'ер, ні Кромвель, ні Пол-Пот не атрымлівалі такіх "кампліментаў", як ад людзей, чые бацькі галасілі пасля смерці Сталіна. Былі і тыя, хто сядзеў, падцяўшы хвост. Калі мы і далей пойдзем па гэтай дарожцы, будзе вельмі кепска. _______________________________________________________ А гэта і не абраза. "Сабачая смерць" тут характарыстыка не асобы, а сітуацыі. Калі навуковец і вязень ГУЛАГу Уладзімір Эфраімсон сказаў, што акадэмік Вавілаў "не загінуў у Саратаўскай турме, а здох там як сабака", ён не збіраўся абражаць памяць замучанага сталінскімі катамі навукоўца. Ён канстатаваў, у якіх нялюдскіх умовах жылі і паміралі ахвяры савецкага таталітарызму. Парадаксальна, але Сталін апошнія свае дні пражыў як ахвяра уласнаручна створанай сістэмы -- без медычнай дапамогі і спачування, у пакутах і адзіноце.
re напiсаў(ла) 5 сакавiка 2013 у 21:34
Цікавае і рэдкае фота бандытаў.
Фрыдрых напiсаў(ла) 5 сакавiка 2013 у 21:46
re напiсаў(ла) 5 сакавiка 2013 у 21:34 Цікавае і рэдкае фота бандытаў. === пахана нясуць ...
Сяргей Мікулевіч напiсаў(ла) 5 сакавiка 2013 у 21:02 ant2012 напiсаў(ла) 5 сакавiка 2013 у 20:44 напiсаў(ла) 5 сакавiка 2013 у 21:52
Все вы прекрасно понимаете: одно дело сказать о своем знакомом или в какой-либо книге написать, а другое дело сделать заголовок статьи, которую прочитают тысячи людей и, по сути, спровоцировать людей на жесткие комментарии. Не забывайте, что историю после Сталина писали те, кто пресмыкался перед ним при его жизни: тот же Хрущев, который сам присылал Сталину списки врагов народа с предложением расстрелять их. Нынешние демократы постоянно очерняют наше прошлое, такое ощущение, что до 1991 (да и сейчас) года мы были недочеловеками и все у нас плохо. Спросили бы они людей, которые жили при Сталине мнения о нем: могли бы обломаться - не такой он и плохой оказался бы. А автор статьи сам живет под впечатлением штампов и стереотипов: написали умные интеллигенты, что Сталин=Гитлеру - автор и подхватил. Сколько Микулевич прочитал монографий и сколько часов провел в архивах? Легче же вырвать всем известную статью, поставить сочный заголовок и все - работа сделана. Для порядочности можно было бы указать, что роль Сталина в истории до сих пор неоднозначна и привести исследования разных сторон. А зачем? Риторический вопрос...
Фота з труной напiсаў(ла) 5 сакавiка 2013 у 22:29
Збавіліся, бальшавічкі вынікам задаволены ...
действительно напiсаў(ла) 5 сакавiка 2013 у 22:59
интересно подмечено, несут покойника как продукт свое труда
Кабета напiсаў(ла) 5 сакавiка 2013 у 23:31
Колькі людзей закатаваў! Сабакі такога не робяць, ні адна жывеліна токое не робіць! НЕЛЮДЗЬ- імя твае.
Niemand напiсаў(ла) 5 сакавiка 2013 у 23:43
Падохла жывёліна - туды ёй і дарога. Адзінае шкада, што запозна.
???? напiсаў(ла) 5 сакавiка 2013 у 23:51
кабета, умничка, а сколько он людей закатавау? ну почитай хотя бы ссылку от некого НИКТО. Там в самом деле не дураки высказываются.Или лень? А эмоции всего лишь от вброса информации, причём никем и ничем неподтверждённой, типа--одна бабка сказала.Элементарная методика манипулирования общественным мнением. Тогда вопрос--а кому это выгодно?
Мужык-беларус напiсаў(ла) 5 сакавiка 2013 у 23:52
Сабакам - сабачая сьмерць!
Скептык напiсаў(ла) 5 сакавiка 2013 у 23:58
Паважаны Сяргей Мікулевіч ! Пэуна вы хацелі у сваім артыкуле выказаць свае адносіны да Сталіна і аргументаваць іх нейкім чынам .Мяркую што не атрымалася . Танцы на дамавіне - так бы я ахарактырызавау ваш артыкул . Такое бывае , калі няма іншых аргументау . Гэта мне нагадвае гістарычны выпадак ,калі у Англіі выкапалі цела Кромвеля і цягалі яго па вуліцах . Кажаце паважаны спадар "Сталін задумау справу дактароу для уздыму шпіенаманіі і гандлю з Захадам - на гэты раз за яурэяу "Прабачце , бо гэта брэд сівой кабылы . Прайшло сем год з хвосьцікам пасля разгрому Германіі . Навошта Сталіну з кімсьці таргавацца наконт габрэяу ?Ен мог дазволіць сабе самастойную палітыку без аглядкі на захад ці на усход . То пасля смерці яго перасталі баяцца і пачалі танцаваць на дамавіне .
Узрэцкі напiсаў(ла) 6 сакавiка 2013 у 1:00
Правакацыйны загаловак і нектаорыя каментары. Такія праставатыя загалоўкі - якраз глеба для неасталінізму.
Yakov напiсаў(ла) 6 сакавiка 2013 у 8:47
У любым выпадку, пра пакойнiка альбо добра, альбо нiяк.
Кнехт напiсаў(ла) 6 сакавiка 2013 у 9:14
Аўтар жа патлумачыў, што не асобу параўновае з сабакам, а абставіны ягонай смерці. Але каментатары раздзяліліся на дзве катэгорыі і рубяцца між сабой. Першыя, якія "не баяцца Сталіна", называюць яго сабакам. Другія, якія "дагэтуль баяцца Сталіна", абвінавачваюць аўтара за правакацыю. Толькі пры чым тут аўтар? Хаця, "пры чым" - гэта ён разбудзіў прусакоў у нашых галовах...
беларус напiсаў(ла) 6 сакавiка 2013 у 10:59
Yakov напiсаў(ла) 6 сакавiка 2013 у 8:47 У любым выпадку, пра пакойнiка альбо добра, альбо нiяк. --------------------------- Уся справа Yakov у тым, што пакойнiк бандыт і забойца.
Фрыдрых Маркс напiсаў(ла) 6 сакавiка 2013 у 11:23
Jazep,Mensk ... вы тады былі двума маладымі лабідудамі, што амаль нідзе яшчэ не папрацавалі, альбо проста "зь пьяну напісамшы"... Герр Йозэф, вы ўжо двойчы абразілі мяне і майго паплечніка Карла Энгельса і публічна прадэманстравалі сваё пячорнае няведаньне элементарных рэчаў гісторыі, палітыкі, эканомікі і добрага тону. Па-першае ў свае 30 год, калі зьявіўся Маніхвест, я ўжо быў доктарам навук ажно 7 гадоў! Карл, на 2 гады за мяне маладзейшы, пачаў друкавацца з 18 год. Што значыць - нідзе не працавалі? Так, на савецкіх фабрыках "Камінтерн" і заводах "Вымпел" мы не працавалі. А праца ў навуцы, па-вашаму, - гэта ня праца? Па-другое, ня стану абвяргаць вашыя іншыя інсінуацыі. Любую ідэю можна перакасабочыць да такой ступені, што яна стане сваёй процілегласьцю. Самы яркі прыклад на гэтую тэму - ядзерная фізіка. Вучоныя йшлі ў глыб матэрыі, а практыкі з заводаў і лабараторый па выкарыстаньні ядзернай энергіі зрабілі з ідэі атамную бомбу. Вось такую атамную бомбу зрабілі з маіх і майго паплечніка ідэй леніністы-сталіністы і нацыянал-сацыялісты. У выніку атрымалася так, што яны, зьнешне розныя, атрымаліся унутрывантробнымі! І што, за гэта павінны адказваць мы з Карлам? І такіх прыкладаў я б мог вам прывесьці процьму, калі б вы сядзелі за партай, а я б стаяў на кафедры. І тады, ex cathedra, мы яшчэ паглядзелі б, хто лабідуда і шчанюк, а хто - герр прафесар! Вашых прац ня маю гонару ведаць. Мае працы і зараз актуальныя.
Андрусь напiсаў(ла) 6 сакавiка 2013 у 14:14
Сталін быў горш за сабаку, таму такую сьмерць мусіць лічыць падарункам лёсу. Яго трэба было затаптаць на плошчы і каб потым кожны нагадзіў на ягоную смуродную постаць.
ласло напiсаў(ла) 6 сакавiка 2013 у 16:21
Сталін аўтар Другой Сусветнай вайны: заключыў з Гітлерам дружбу, падрыхтаваў гітлераўскіх асаў у Ліпецку, адабраў ў народа збожжа і адправіў яго Гітлеру, даў Гітлеру рэдказямельныя металы, пабіў свой народ ў патыліцу з нагана, пастраляў вайскоўцаў, абасраўся са страху у першыя дні вайны. Потым ён ачухаўся і за кожнага немца палажыў па дзевяць савецкіх грамадзян. Вось ягоная асноўная заслуга перад Сатаною і зараз ён ў пекле на самым дне побач са сваім сябрам Гітлерам.
Кабета напiсаў(ла) 6 сакавiка 2013 у 18:58
"Один такой теоритический подсчет был сделан Ев.Комниным в "Руле"(3 авг 1923г.). Приведу его соображения- они интересны для установления этой возможной статистики человеческих казней: "Зимой 1920г. в состав РСФСР входило 52 губернии- с 52 чрезвычайными комиссиями, 52 особыми отделами и 52 губревтрибуналами. Кроме того: бесчисленные эртечека(район. транспорт. чрез. ком.), железнодорожн. трибуналы, трибуналы в.о.х.р.(войска внутренней охраны, ныне войска внутренней службы), выездные сессии , посылаемые для массовых расстрелов «на местах». К этому списку застенков надо отнести особые отделы и трибуналы армии, тогда 16, и дивизии. Всего можно насчитать до 1000 застенков- а если принять во внимание, что одно время существовали и уездные чека- то и больше. С тех пор количество губерний РСФСР значительно возросло- завоеваны Сибирь,Крым, Дальний Восток. Увеличилось следовательно в геометрической прогрессии и количество застенков. По советским сводкам можно было (тогда. 1920г.-с тех пор террор отнюдь не сократился, о нем лишь меньше сообщается) установить среднюю цифру в день для каждого застенка: кривая расстрелов поднимается от 1 до 50( последняя цифра- в крупных центрах) и до 100 в только что завоеванных красной армией полосах. Эти взрывы террора находили однако периодически и опять спадали, так что среднюю (скромную) цифру надо установить приблизительно в 5 человек в день, или помножив на 1000(застенков)- 5000 человек в день и в год около 1,5 миллиона. А ведь «Голова Медузы» вот уже скоро шесть лет высится над испепеленной страной.» В некоторых чрезвычайных комиссиях, говорят, заведена была особая должность «завучтел», то есть, заведующий «учетом тел». Не сказано ли этим все?» (Красный террор в России. Мельгунов С.П. 1990г. Москва. Стр 86-87)
12 12 напiсаў(ла) 6 сакавiка 2013 у 19:04
Фрыдрых Маркс напiсаў(ла) 6 сакавiка 2013 у 11:23 +++++++++++++++++++++++++++++++++++++++++ Ну і навошта ты ўсё гэта напісаў? Відаць для таго ж для чаго камунізм будавалі.
Фрыдрых Маркс напiсаў(ла) 6 сакавiка 2013 у 19:18
12 12 напiсаў(ла) 6 сакавiка 2013 у 19:04 Ну і навошта ты ўсё гэта напісаў? Відаць для таго ж для чаго камунізм будавалі. Вучыцца, даражэнькі, трэба. Вучыцца вам і герру Йозэфу. Бо вучэньне - святло, а невучэньне - БРСМ.
вядучы каментатар напiсаў(ла) 6 сакавiка 2013 у 19:22
Фрыдрых Маркс напiсаў(ла) 6 сакавiка 2013 у 19:18 +++++++++++++++++++++++++++++++++++++++ Навошта?
стог напiсаў(ла) 6 сакавiка 2013 у 19:27
Імёны ўсіх тых губчэкістаў, а лепш - фота... Гэта такая страшная інфармацыя, такі напалм.. І гэта - рэальнасьць. Гэта злачынствы, за якія не было чалавечай расплаты.. Толькі Боская. Яна была і яна ёсьць.
никто напiсаў(ла) 6 сакавiка 2013 у 19:37
а почитайте хотя бы книги Старикова НВ или книгу "Сталин. Судьба и стратегия" А цифры, приведённые Кабетай, многократно опровергаются,. в тч и западными источниками(это по поводу репрессий)Кстати, кабета, в 20 году Сталин ещё государством не руководил. А кто руководил, поинтересуйтесь. Источников-много
Ого напiсаў(ла) 6 сакавiка 2013 у 20:29
"спецыяльныя датчыкі, што рэагавалі на рух і перадавалі сігналы на кантрольнае табло" ___________ Што ж гэта за цуд такі тэхналагічны на пачатку 50-х гг? Можа там яшчэ і інтэрнэт быў з мабіламі?
Макс напiсаў(ла) 6 сакавiка 2013 у 23:27
>Ого Тебе только салют смотреть! Если не будешь учиться - пропадешь.
прохожий напiсаў(ла) 6 сакавiка 2013 у 23:54
Нарубил людей как дров, много! Сегодня нет в мире страны способной повторить такую масштабную войну против своего народа!
ласле напiсаў(ла) 7 сакавiка 2013 у 16:53
Сталін аўтар Другой Сусветнай вайны: заключыў з Гітлерам дружбу, падрыхтаваў гітлераўскіх асаў у Ліпецку, адабраў ў народа збожжа і адправіў яго Гітлеру, даў Гітлеру рэдказямельныя металы, пабіў свой народ ў патыліцу з нагана, пастраляў вайскоўцаў, абасраўся са страху у першыя дні вайны. Потым ён ачухаўся і за кожнага немца палажыў па дзевяць савецкіх грамадзян. Вось ягоная асноўная заслуга перад Сатаною і зараз ён ў пекле на самым дне побач са сваім сябрам Гітлерам. 100% лепш не скажыш!!!!!!
Наша гісторыя напiсаў(ла) 8 сакавiка 2013 у 1:06
Велізарная дзяржава знаходзілась у руках бандытаў.
Historyk напiсаў(ла) 9 сакавiка 2013 у 20:52
У архіве прэзідэнта РФ захаваліся расстрэльныя сьпісы, падпісаныя ўласнаручна Сталіным і яго "членамі Палітбюро". У гэтых сьпісах - тысячы людзей, якіх пасадзілі (а потым зьнішчылі) проста згодна з даведзенымі "нормамі рэпрэсаваньня". Больш тут дадаваць няма чаго. Так робяць толькі садысты.
Наталья напiсаў(ла) 31 мая 2013 у 21:05
Два мнения: одно ваше, другое не правильное
Дадаць каментар (прэмадэрацыя)

Націсканьне кнопкі «Дадаць каментар» азначае згоду з рэкамендацыямі па абмеркаванні.

Спам-фільтр: падлічыце, колькі будзе...

не бачу сімвалы
Галоўнае
Дашлі сваю навіну
© ПУП «Суродзічы». Усе правы абароненыя. Выкарыстанне матэрыялаў дазваляецца пры ўмове спасылкі (для інтэрнэт-рэсурсаў - гiперспасылкi) на «НН»
Кантакт з Рэдакцыяй: пошта: nn@nn.by; тэлефоны: +375 17 284-73-29 (тэл./факс), +375 29 613-32-32 (Velcom), +375 29 707-73-29 (МТС). Skype: nashaniva
Дызайн сайта ТО «Brama»
www.brama.by
brama.art@gmail.com
Сістэма Orphus RATING ALL.BY