05.03.2013 / 11:19

114 фатографаў падалі больш за 2500 працаў на «Прэс-фота Беларусі — 2013»

Арганізатары апублікавалі першую статыстыку сёлетняга конкурсу.

Сёлета зафіксаваны рэкордная колькасць удзельнікаў конкурсу «Прэс-фота Беларусі» — 114 фотакарэспандэнтаў. У мінулым годзе іх было 90, а дэбютным конкурсе «Прэс-фота Беларусі — 2010» узялі ўдзел 96 чалавек.

Па словах аднаго з арганізатараў конкурсу Юліі Дарашкевіч, колькасць конкурсных прац прыблізна тая ж, што і ў мінулым годзе — больш за 2500 здымкаў. Узрост удзельнікаў —ад 19 да 65 год.

Партнёрам конкурсу сёлета выступае Фонд ААН у галіне народанасельніцтва, які спансуе прыз для атрымальніка Гран-пры.

СП