Apple імкнецца не адставаць ад Google, і ў 2013 годзе плануе прэзентаваць гадзіннік iWatch: з яго можна будзе тэлефанаваць і карыстацца картай.
Кампанія Apple мае намер пачаць продажы свайго новага прадукта iWatch ўжо ў 2013 годзе. Пра гэта паведамляе ў сваім дакладзе Bloomberg са спасылкай на крыніцу, знаёмую з планамі кампаніі. Паводле інфармацыі выдання, над распрацоўкай гадзінніка ў Apple працуе каманда з 100 чалавек.
Па дадзеных крыніцы Bloomberg, у iWatch будзе частка функцый, якія зараз ёсць у iPhone і iPad.«Мы разглядаем такія функцыі, як магчымасць тэлефанаваць пры дапамозе прылады і бачыць, хто вам тэлефануе», - распавяла крыніца выдання.
Яна дадала, што пры дапамозе гадзінніка можна будзе даведацца па карце сваё месцазнаходжанне.У гаджэце таксама з'явяцца крокамер і датчыкі, якія адсочваюць здароўе карыстальніка, напрыклад, лічыльнік сардэчнага рытму. Кампанія хоча прэзентаваць публіцы прадукт ужо ў 2013 годзе, таму Apple падала 79 патэнтавых заявак, якія ўключаюць у сябе слова "запясце", а таксама прылады з гнуткім экранам, якія працуюць ад кінетычнай энергіі.
У інтэрнэце з'явілася відэа, што iWatch будзе ўяўляць з сябе і якім функцыяналам валодае. Так тое, што некалькі гадоў назад здавалася фантастыкай, сёння набывае цалкам рэальныя рысы.
0
0
0
0
0
0
