Па даручэнні Аляксандра Лукашэнкі з самай раніцы 6 сакавіка на тры дні над будынкамі рэзідэнцыі прэзідэнта Беларусі і іншых дзяржустаноў па ўсёй краіне прыспушчаны дзяржаўныя сцягі.
Акрамя таго, усімтэле-і радыёканалам рэкамендавана выключыць з эфіру забаўляльныя перадачы.
«Рэспубліка Беларусь далучылася да жалобных мерапрыемстваў, якія праходзяць у шэрагу краін свету ў сувязі са смерцю венесуэльскага лідара», — адзначае БелТА са спасылкай на
Зазначым, што ў жалобныя мерапрыемствы, якія працягнуцца тры дні, трапляе 8 Сакавіка.
Варта адзначыць, што афіцыйная жалоба не абвешчана. Відаць, гэтае пытанне даволі доўгі час абмяркоўвалася ва ўладных структурах, бо інфармацыя на дзяржаўным тэлебачанні прайшла толькі ў абед.
Чавэс адышоў у іншы свет позна ўвечары 5 сакавіка.
Нагадаем, што ў Беларусі, у адрозненне ад суседніх краін, не абвяшчалася жалобы, калі пад Смаленскам разбіўся прэзідэнт Польшчы Лех Качынскі і ўся дзяржаўная эліта суседняй дзяржавы. Не абвяшчалі агульнанацыянальнай жалобы і пасля смерці найвыдатнейшых творцаў — Васіля Быкава і Уладзіміра Мулявіна.
Калі ў лістападзе 2010 года ў выніку выбуху на «Пінскдрэве» загінула 14 беларусаў, двухдзённая жалоба была абвешчаная толькі на тэрыторыі Бераьцейшчыны і тое аж праз тыдзень. Калі ў красавіку 2011 года у выніку тэракта ў метро загінула 12 беларусаў, аднадзённую жалобу абвясцілі адно ў Мінску.
